Муса Ерниязовтың өлим себеплери мәлим етилди

 

Муса Ерниязовтың өлим себеплери мәлим етилди

 

Қарақалпақстан Республикасы Жоқарғы Кеңесиниң баслығы Муса Ерниязов өткир дем алыў ҳәм жүрек қан-тамыр жетиспеўшилигинен қайтыс болды.

 

Муса Ерниязовта кеселликтиң клиникалық белгилери күшейгенлиги себепли 30-июнь күнинен баслап Ваҳидов атындағы қәнигелестирилген хирургия орайының Нөкис филиалына алып келинди ҳәм аўыр аўҳалда реанимация бөлимине жатқарылды. Наўқасқа еки тәреплеме интерстициал пневмония, аўыр кешиўи диагнозы қойылған. Кеселлик өткир респиратор дистресс синдромы, өткир дем жетиспеўшилиги асқыныўлары менен кешкен.

 

Сондай-ақ, наўқас бир неше жыллардан берли қантлы диабет кеселлиги, гипертония кеселлиги, жүрек ишемия кеселлиги киби қәстеликлер менен де аўырған.

 

Ваҳидов атындағы қәнигелестирилген хирургия орайының Нөкис филиалында Муса Тажетдиновичтиң емлениўи бирдейине шет елли ҳәм Ташкент қаласынан жетекши қәнигелердиң консилиумлары ҳәм консультациялары  арқалы әмелге асырылды, олардың кеңеслери тийкарында алып барылды.

 

Муса Ерниязовтың аўҳалы тийкарғы кеселлик асқыныўлары есабынан турақлы аўыр болып, қәнигелер тәрепинен өткерилген реанимациялық илажларға қарамай өткир дем алыў ҳәм жүрек қан-тамыр жетиспеўшилиги, өткир респиратор дистресс синдромнан қайтыс болды.

 

Қарақалпақстан Республикасы Денсаўлықты сақлаў министрлиги

Муса Ерниязовтың өлим себеплери мәлим етилди

 

скачать dle 10.6фильмы бесплатно



  • 31-07-2020, 21:11 |
  • 8 738