Kun.uz: Муса Ерниязов жасалма дем алыў аппаратына жалғанған

 

Kun.uz: Муса Ерниязов жасалма дем алыў аппаратына жалғанған

 

Қарақалпақстан Республикасы Жоқарғы Кеңеси баслығы Муса Ерниязовтың аўҳалы аўыр деп баҳаланбақта. Ол өкпениң жасалма вентиляция аппаратына жалғанған.

 

Ден саўлықты сақлаў министрлиги ўәкиллери баспасөз конференциясында Қарақалпақстан Республикасы Жоқарғы Кеңеси баслығы Муса Ерниязовтың жағдайы ҳаққында қосымша мағлыўмат берилди. Коронавирусқа қарсы гүресиў штабы ағзасы Анвар Алимов Муса Ерниязовтың емлениў ушын Туркияға алып кетилгени ҳаққындағы хабарларды бийкарлады – ол Нөкисте емленбекте.

 

«Наўқас ҳәзир респиратор терапия алмақта – оның өкпеси жасалма вентиляциясы аппаратына жалғанған. Оның жағдайы аўыр деп баҳаланбақта. Муса Ерниязовты емлеў ушын басқа мәмлекетке алып кетиў ҳаққында ҳеш қандай гәп болған жоқ», - деп оның сөзлерин келтирген Kun.uz хабаршысы.

 

Штаб ағзасы Ҳабибулло Оқиловтың айтыўына қарағанда, наўқасты емлеў туркиялы ҳәм Германиялы қәнигелер менен кеңесилген ҳалда әмелге асырылмақта.

 

«Муса Тажетдинович кеселликтиң биринши күнинен баслап Воҳидов атындағы қәнигелестирилген хирургия орайының Нөкис филиалында емленип атыр. Ол жерде Ташкент қаласынан еки қәниге ҳәм жергиликли медицина қәнигелери ислемекте.

Өзбекстанға германиялы ҳәм туркиялы қәнигелер келгенде Ташкент қаласынан турып видеоконференция байланыс арқалы Бухара, Хорезм ҳәм Нөкис пенен байланыс орнатып, ол жердеги наўқаслардың жағдайы бойынша мәсләҳатлестик. Сондай-ақ, Муса Ерниязовтың жағдайы бойынша да кеңесилди ҳәм емлеў режесине көрсетпелер берилди», - деген Оқилов.

 

Еслетип өтемиз, 18-июль күни Қарақалпақстан Республикасы Жоқарғы Кеңеси баслығы Муса Ерниязов коронавирустан емленип атырғаны ҳаққында хабар берилген еди.

 

25-июль күни Ерниязовтың өлими ҳаққындағы хабарлар тарқалған, Ден саўлықты сақлаў министрлиги бул мағлыўматты бийкарлады.

 

Аўдарма: makan.uz

скачать dle 10.6фильмы бесплатно



  • 30-07-2020, 18:12 |
  • 8 396