Қоңырат районы аймағында ЖТҲ жүз берди

 

Қоңырат районы аймағында ЖТҲ жүз берди

 

Усы жылдың 23-июль күни саат 18:05 те 26 жаслы транспорт басқарыўшысы өзиниң басқарыўындағы «DAF FT XF 105» маркалы жүк автомашинасында Қоңырат районы «Жаслық» посёлкасы аймағынан өтетуғын А-380 автомобиль жолының 1009-1010-километрлери аралығында ҳәрекетленип баратырғанда автомашина басқарыўды жоғалтып, усы жолдың қарама-қарсы тәрепине өтип кетип, қарама-қарсы жөнелисте ҳәрекетленип киятырған «VOLVO» маркалы жүк автомашинасының шеп қаптал тәрепине барып урылып, усы жүк автомашинасынан кейин ҳәрекетленип киятырған басқа бир «VOLVO» маркалы жүк автомашинасының алды тәрепине урылыўы ақыбетинде ЖТҲ жүз берген.

Усы жол-транспорт ҳәдийсеси ақыбетинде «DAF FT XF 105» маркалы жүк аатомашинасы ҳәм екинши «VOLVO» маркалы жүк автомашинасында өрт пайда болып, еки автомобиль де толық өртенип кеткен.

Еки «VOLVO» маркалы жүк автомашинасының басқарыўшылары да Украина Республикасының пуқаралары болып, олардың бири 32, екиншиси 29 жаста екенлиги анықланған.

ЖТҲ жүз бериўине себепши болған «DAF FT XF 105» маркалы жүк автомашинасының басқарыўшысы ўақыя жүз берген жерде қайтыс болған.

Жағдай бойынша Қоңырат районлық ИИБ жанындағы Тергеў бөлимшеси тәрепинен ӨзР ЖКның 266-статьясы 2-бөлими менен жынаят иси ашылған. Ҳәзирги ўақытта дәслепки тергеў ҳәрекетлери алып барылмақта, деп хабар берди ӨзР ИИМ жанындағы Тергеў департаменти.

Ислам Матеков,
Қарақалпақстан хабар агентлиги.

скачать dle 10.6фильмы бесплатно



  • 28-07-2020, 15:43 |
  • 3 697