Өзбекистан ҳәм Россия әскерий тараўдағы бирге ислесиўди сөйлести

Өзбекистан ҳәм Россия әскерий тараўдағы бирге ислесиўди сөйлести

 

1-июль күни Өзбекистан қорғаныў министри, генерал-полковник Қобул Бердиев Ташкентте Россия Орайлық әскерий округи әскерлери командири, генерал-полковник Владимир Зарудницкий басшылығындағы делегация менен сөйлесиўлер өткерди. Өзбекистан ҳәм Россия делегациялары Орайлық Азиядағы ҳәзирги жағдай ҳәм қәўипсизликтеги машқалалар бойынша пикир алмасты, деп хабар бермекте қорғаныў минстрлиги. Тәреплер, сондай-ақ, әскерий ҳәм әскерий-техникалық тараўларындағы еки тәреплеме бирге ислесиўди раўажландырыў мәселелерин сөйлести. Россия қорғаныў министрлиги мағлыўматларына қарағанда, Өзбекистан Россия ўәкиллери әскерий тараўдағы бирге ислесиўди раўажландырыў ҳәм беккемлеўден мәпдәр екенин тастыйықлаған. Еки тәреп 2017-жыл соңына дейин аймақлық қәўипсизлик мәселелери бойынша штаб сөйлесиўлери ҳәм Фориш полигонында қоспа тактик шынығыўларды өткериўге келисип алды.

скачать dle 10.6фильмы бесплатно



  • 4-07-2017, 10:14 |
  • 359