Мийнет министрлиги тәрепинен жаңа мәлимлеме системасы енгизилди

Мийнет министрлиги тәрепинен жаңа мәлимлеме системасы енгизилди

Өзбекистан Республикасы Мийнет министрлиги тәрепинен юридикалық шахслардың мийнет дәптершелерине болған талабын қанаатландырыў бойынша жаңа Бирден-бир автоматластырылған мәлимлеме системасы жолға қойылды.

Бул система мийнет дәптершелери менен тәмийинлеўдиң барлық процесслерин, атап айтқанда юридикалық шахслардың мийнет дәптершелерин сатып алыў ҳаққында арза бериўинен баслап мийнет органлары тәрепинен мийнет дәптершелери ҳәрекетиниң толық есабын жүргизиўди шөлкемлестириўге шекем болған процесслерди автоматластырады.

Хызметтен пайдаланыў ушын юридикалық шахс тәрепинен Мийнет министрлигиниң www.mehnat.uz рәсмий сайты арқалы, Кадрлар миллий порталында бир мәрте дизимнен өтиўи ҳәм жеке кабинетине ийе болыўы талап етиледи. Бул жеке кабинетте юридикалық шахс мийнет дәптершелерин сатып алыў ушын арза бериў мүмкиншилигине ийе болады. Усынылған электрон арза тийкарында, жергиликли мийнет органы тәрепинен, бул арзаны орынлаў бойынша бизнес-процесс иске түсириледи. Бунда, юридикалық шахс мийнет дәптершелерин сатып алыў бойынша берген арзаларының орынланыў басқышларын гүзетип отырыўы мүмкин.

Және бир жаңалық соннан ибарат, юридикалық шахслар Кадрлар миллий порталында жеке кабинетлеринен Вакант орынлар миллий базасына, бос (вакант) жумыс орынлары ҳаққында электрон есабатларын усыныў мүмкиншилигине ийе болды. Бунда, келип түскен есабат автоматластырылған режимде қабылланады ҳәм ол қайта исленгеннен кейин, бос (вакант) жумыс орны ҳаққындағы мағлыўмат ish.mehnat.uz сайтына жайластырылады, бос (вакант) орынлары ҳаққындағы мағлыўматлардан сайт арқалы ҳәм Кадрлар миллий порталынан пайдаланыў мүмкин.

Вакант орынлар ҳаққындағы мағлыўматлар менен ислеўдиң барлық процесслерин автоматластырыў, Вакант орынлар миллий базасын тезлик пенен толтырып барыў менен бирге жумысқа жайласыўда қыйыншылықларға ушырап атырған пуқараларға мәмлекеттиң ҳәр қыйлы шөлкемлеринде бар болған вакант жумыс орынлары
ҳаққындағы ең актуал мағлыўматлар қолайлы рәўиште усынылады. Мағлыўматлардан пайдаланыўды әпиўайыластырыў мақсетинде системаның айырым бөлиминен мобиль қосымшалар арқалы да пайдаланыў имканияты берилген. Бул ҳаққында Мийнет министрлиги мәлимлеме хызмети хабар берди.скачать dle 10.6фильмы бесплатно



  • 19-01-2017, 11:46 |
  • 428