Өзбекистанға муғаллимлер ҳәм медицина хызметшилерин пахта теримине тартпаў усыныс етилди

 

Өзбекистанға муғаллимлер ҳәм медицина хызметшилерин пахта теримине тартпаў усыныс етилди

 

Өзбекистан ҳүкимети адам саўдасын сапластырыў бойынша минимал стандартларға толық жуўап бермейди ҳәм буның ушын жетерлише ҳәрекет исленип атырған жоқ, соның ушын ол 3-дәрежеде қалды, делинген АҚШ Мәмлекет департаментиниң адам саўдасына байланыслы есабатында. Бул ҳаққында kun.uz басылымы хабар бермекте.

Өзбекистанға муғаллимлер ҳәм медицина хызметшилерин пахта теримине тартпаў усыныс етилди

 

Соған қарамай, Өзбекистан ҳүкимети адам саўдасына қарсы гүресиў бойынша шаралар көргени, балалардың пахта териўи, мәжбүрий мийнет сыяқлы ҳалатларды бақлаўға имкан берилгени атап өтилген. Ҳүкимет сондай-ақ, балалар мийнети қадаған етилиўи бойынша халықтың хабардарлығын арттырыў бағдарында үлкен кампания өткергени айтылған.

Буннан тысқары, ҳүкиметтиң адам саўдасында гүманланып атырғанларды излеўди даўам етип атырғаны, трансмиллий процесслерде қатнасып атырғаны ҳәм адам саўдасы жәбирлениўшилери тиклениў орайларын қаржыландырып атырғаны атап өтилген.

Соның менен бирге, айырым орынларда бәрибир балалар мийнетинен пайдаланыў, пахта далаларында мийнет нызамшылығын бузыў ҳалатлары даўам етип атырғаны айтылған.

«Ўәлаятлар әмелдарлары еркин гүзетиўшилер ҳәм бөлек бақлаўшылардың изине түсип, оларды сораўға тутқан бир неше ҳалат орын алған», - делинген есабатта.

Дерекке муўапық, 2016-жылда ҳүкимет 714 адам саўдасы қурбанын анықлаған. Бул көрсеткишлер 2014-жыл (924 адам) ҳәм 2015-жыл (1208 адам) менен салыстырғанда қысқарғанын билдиреди. 714 адамның 193 и мәмлекет ишинде жәбирленген, қалғанлар болса басқа мәмлекетлерде эксплуатацияланған. Мәлим болыўынша, адам саўдасы қурбанларының айырымлары мәжбүрий мийнетке тартылған.

Сол мүнәсибет пенен Өзбекистанға айырым усыныслар берип өтилген:

 - пахта теримлеринде мәжбүрий мийнеттен пайдаланыўды тоқтатыў илажларын көриў;

- пахта териўшилер ушын мийнет шәраятларын жаратыў;

- мәжбүрий балалар мийнетин жоқ қылыў;

- бақлаўды күшейтиў;

- еркин гүзетиўшилерге пахта жетистириў мониторингин гүзетиўге толық имкан бериў ҳәм олардың изине түсиўди тоқтатыў;

- адам саўдасына араласқан адамларды жуўапкершиликке тартыў;

- аўыл хожалығындағы мийнет шәраятларын жақсылаў;

- теримге муғаллимлер, медицина хызметшилери, колледж ҳәм лицей окыўшыларын тартпаў;

- мийнет ҳуқықы бағдарындағы халық хабардарлығын асырыўды даўам етиў.

 

Фото: Uz24.uz

скачать dle 10.6фильмы бесплатно



  • 1-07-2017, 12:46 |
  • 525