Өзбекистанлылар Қубла Кореядағы мигрантлар саны бойынша бесинши орында

 

Өзбекистанлылар Қубла Кореядағы мигрантлар саны бойынша бесинши орында

 

Корея Республикасы Әдиллик министрлигиниң 21-июньда жәрияланған есабатына қарағанда, өзбекистанлылар Қубла Кореядағы мигрантлар саны бойынша бесинши орынды ийеледи. Бул ҳаққында arirang.uz сайты мағлыўмат бермекте.

Қубла Кореядағы ең ири шет еллилер жәмәәтлери ортасында биринши орынды Қытай пуқаралары ийелеген. Мәмлекетте олардың саны 1 милионнан артық ямаса Кореяда жасап атырған ҳәм ислеп атырған барлық шет еллилердиң улыўма санының 50% тин қурайды. Екинши орынды жоқары көрсеткиш пенен Вьетнам (150 мың ямаса шет еллилер улыўма санының 7,3%) ийелеген. Кейинги орынларда АҚШ (140 мың ямаса 6,8%) ҳәм Таиланд (100 мың ямаса 5% ке жақын) турыпты.

Бесинши орында Өзбекистан ҳәм Филиппин ийеледи. Бул еки мәмлекеттиң ҳәр бири 55 мың адамды болып, улыўма мигрантлар санының 3%тин қурайды.

Кореяға барыўды қәлеўшилер жүдә көп. Атап айтқанда, Қубла Кореяда мийнет етпекши болғанлар ушын шөлкемлестирилген апрельдеги соңғы тестлерде 87,7 мың өзбекистанлы дизимнен өтти.

Қубла Кореяға кетиўди қәлеген өзбек мийнет мигрнатлары санының артыўына усы мәмлекет тәрепинен мигрантларды тартыў улыўма тенденциясы себеп болыўы мүмкин. Атап айтқанда, 2016-жылда Кореядағы шет еллилер саны 2,04 миллионды ямаса мәмлекет халқы улыўма санының 4%тин қурады. Бул көрсеткиш 2015-жылда 1,9 млн, 10 жыл алдын болса бары-жоғы 910 мың адамды қурады, деп атап өткен Корея Әдиллик министрлиги есабатында.

скачать dle 10.6фильмы бесплатно



  • 29-06-2017, 18:05 |
  • 271