Өзбекистан ҳүкимети азық-аўқат өнимлери баҳасын қадағалап барады

 

Өзбекистан ҳүкимети азық-аўқат өнимлери баҳасын қадағалап барады

 

Өзбекистан мәмлекет Бас министри басшылығында тийкарғы өнимлер баҳасын мониторинг ҳәм қадағалаў бойынша Республика комиссиясы шөлкемлестириледи. Бул ҳаққында Uznews.uz хабар берди.

Президент Шавкат Мирзиёевтиң 23-июньдағы «Республика халқын социаллық әҳмийетке ийе тийкарғы азық-аўқат товарлары менен исенимли тәмийинлеў бойынша кешиктирип болмайтуғын илажлар ҳаққында»ғы қарарында бул ҳаққында сөз етилген.

Ҳүжжетке муўапық, Өзбекистанда мәмлекет Бас министри А.Арипов басшылығында социаллық әҳмийетке ийе тийкарғы азық-аўқат товарлары баҳасын мониторинг ҳәм қадағалаў бойынша Республика ҳәм аймақлық комиссиялары шөлкемлестириледи.

Буннан тысқары, ишки тутыныў базарында баҳаларды турақластырыўға көмек бериў Фондын шөлкемлестириў режелестирилген.

Бул Фонд қаржылары ишки базардағы азық-аўқат товарларына талап ҳәм усыныслардың мәўсимли ҳәм басқа үлкен қозғалысларды бир жөнге салыўға бағдарланады. Бундай өнимлер арасында биринши нәўбетте – гөш, өсимлик ҳәм ҳайўан майлары, дән өнимлери, ун, картошка, гешир, пияз ҳәм басқа социаллық әҳмийетке ийе керекли азық-аўқат товарлары бар.

Республика ҳәм аймақлық комиссиялар орынларда тийкарғы социаллық әҳмийетке ийе азық-аўқат өнимлерин жеткерип бериў ҳәм сатыўды өз ўақтында әмелге асырыўды координациялайды; ҳуқық-қорғаў мекемелери менен биргеликте баҳалардың жасалма асырылыўына жол қоймаў мақсетинде системалы қадағалаў алып барады; Өзбекистан МТРК, «Маҳалла» Фонды ҳәм басқа жәмәәт шөлкемлери менен биргеликте Фонд қаржылары есабынан тийкарғы социаллық әҳмийетке ийе азық-аўқат өнимлери жеткерип берилиўи ҳәм сатылыўы процесслериниң нәтийжели жәмәәтшилик қадағалаўын шөлкемлестириў бойынша шаралар көреди.

 

Фото:UzNews.uz

скачать dle 10.6фильмы бесплатно



  • 29-06-2017, 10:44 |
  • 326