«Ўзбекистон ҳаво йўллари» Ильхам Сайманов ушқан рейс «Ил-114» самолёти менен байланыслы ўақыя бойынша жуўап берди

«Ўзбекистон ҳаво йўллари» Ильхам Сайманов ушқан рейс «Ил-114» самолёти менен байланыслы ўақыя бойынша жуўап берди

27-июнь күни Facebook социаллық тармағы пайдаланыўшысы Ильхам Сайманов Ташкент-Нөкис рейси арқалы ушатуғын самалётқа билет сатыўшыларды сынға алғанын «Ильхам Сайманов: Олий Мажлис депутаты Жолдас Абдижамилов, алдыңа Халқың келип тур! Авиабилет мәселесин шешип бер!» атамасындағы мақала менен хабар берген едик.

Бүгин, 28-июнь күни «Ўзбекистон ҳаво йўллари» МАК Бас директоры Валерий Тян, коммерциялық департаменти директоры Дилшод Йўлдашев, авиакомпания жуўаплы хызметшилери ҳәм баспасөз хызмети басшылығында ҒХҚ ўәкиллерине жоқарыдағы мәселе бойынша жыйналыс өткерилди. Бул ҳақкында daryo.uz хабар бермекте

Онда пуқара Ильхам Саймановтың наразылығы улыўма орынсыз екенлиги, ол авиакомпания ҳәм авиапәрўазлар ҳаққында жетерлише мағлыўматқа ийе емеслиги ҳаққында түсиниклер берип өтилген. Яғный, - «Ил-114» самолётында 52 орынлық бар, бирақ пәрўаз жақсы әмелге асыўы ҳәм қоныў унамлы болыўы ушын нормада көрсетилген салмақ көрсеткишлери бар. Бунда ҳаўа температурасы да роль ойнайды. Ҳәр бир адамның аўырлығы орташа 100 кг болатуғын болса, бул 5,2 тонна дегени. Ильхам Сайманов ушқан самалётқа болса сол күни 4 тоннаға шекем аўырлық көтериў шегарасы белгиленген еди. Бул 40 орынлыққа жолаўшы алыў керек дегени.

Соннан 16 орынлық түрли асығыс жағдайлар ушын брон етиледи. Олар пәрўазға еки саат қалғанға шекем бәнт етиледи. 40 билеттен 30ы сатылған. Самолёт бортында болса 24 жолаўшы болған, билет алғанлардың 6 ўы пәрўазды әмелге асырыў ушын келмеген.

Буннан бийхабар Сайманов болса Facebook’дағы бетинде сезимлерге берилип пост қалдырған. Билетлерди сатып алыўда ҳеш қандай дәмегөйлик жоқ. Мен усы рейсте ушқан барлық жолаўшылар менен жеке өзим сөйлестим, сиз де олар менен байланысқа шығып билетлерди қандай усылда сатып алғанын билиўиңиз мүмкин», - деди коммерциялық департаменти директоры Дилшод Йўлдашев.

 

Төменде Ильхам Саймановтың Facebook'да жәриялаған постын келтиремиз

 

«Ўзбекистон ҳаво йўллари» Ильхам Сайманов ушқан рейс «Ил-114» самолёти менен байланыслы ўақыя бойынша жуўап берди

 

 

скачать dle 10.6фильмы бесплатно



  • 28-06-2017, 17:44 |
  • 1 519