Шығыс Қазақстаннан кирип киятырған бираз салқын ҳаўа ағымы Өзбекстанда күндизги температураның төменлениўине алып келеди

Бүгин ҳәм ертең Өзбекстан аймағында ҳаўа райы шараятларының қәлиплесиўине орта тропосферадағы күшсиз циклон ҳәрекети тәсир көрсетеди. Бул ҳаққындағы «Өзгидромет» хабар берди.

 

Республика бойлап ҳаўа райы ўақты менен өзгерип турады, жаўын-шашын болмайды.

 

Шығыс Қазақстаннан кирип киятырған бираз салқын ҳаўа ағымы Өзбекстанда күндизги температураның төменлениўине алып келеди. Бүгин ҳәм ертең күндизги ўақытта ҳаўаның температурасы 37-39 градусты қурайды. Түнги температура 19-24 градус әтирапында сақланып қалады. Айрым орынларда самалдың тезлиги секундына 15-20 метрге күшейиўи мүмкин.

 

Екшемби күни Өзбекстанның тегислик аймақларында ҳаўа райы қурғақ ҳәм ашық болады.

 

Салыстырмалы салқын ҳаўа ағымының тәсири екшемби күни де сақланып турады. Ҳаўаның температурасы түнде 19-24 градус әтирапында, күндиз 32-37 градус, шөл зонасында 39 градусқа шекем жетеди. Бундай температура күнниң климатлық нормаларына жақын.

 

Ислам Матеков,

Қарақалпақстан хабар агентлиги.

 

скачать dle 10.6фильмы бесплатно



  • 10-07-2020, 19:54 |
  • 2 079