Черняевка шегара өткериў постында топланып қалған 4 мыңға жақын Өзбекстан пуқарасы елге киргизилди

Черняевка шегара өткериў постында топланып қалған 4 мыңға жақын Өзбекстан пуқарасы елге киргизилди

 

 

Сыртқы ислер министрлиги Қазақстан менен шегарадағы «Гербиш көпир» шегара посты жанында топланып турған 4 мыңға жақын өзбекстанлы пуқаралар шегарадан өткерилгени ҳаққында хабар берди.

Президент Шавкат Мирзиёев 8-июль күнги видеоселекторда коронавирус пандемияси ҳәм күшейтилген карантин мәселесинде халыққа мүрәжат етип,  "шет елде қалған пуқаралар әлбетте алып келинеди" деген еди. 

«Алдын хабар етилгениндей,  усы жыл 1-июльдан 7-июльға шекемги мүддетте «Жипек жолы» — «Гербиш-Көпир» қадағалаў-өткериў пункты арқалы 2700ден артық жерлеслеримиз Өзбекстанға қайтқан. Бирақ жүзеге келген техникалық мәселелер себепли Қазақстан-Өзбекстан шегарасынан жерлеслеримизди өткериў шекленген муғдарда әмелге асырылды. Нәтийжед, бул жағдай шегарада 3000ға жақын Өзбекстан пуқаралары топланып қалыўына себеп болды.

Республика арнаўлы комиссиясы,  МҚХ Шегара әскерлери ҳәм Өзбекстанның Қазақстандағы дипломатиялық ўәкилханаларының ҳәрекетлери нәтийжесинде 8-июль күни пуқараларымыздың Қазақстан-Өзбекстан шегарасынан еркин өтиўине тосқынлық етиўши барлық техникалық ҳәм шөлкемлестирилген мәселелер оперативлик пенен шешилди.

Өзбекстан Сыртқы ислер министрлиги Оператив штабы мағлыўматларына көре,  2020-жыл 8-июль күни кеште ҳәм 9-июль күни «Жипек жолы»-«Гербиш-Көпир» қадағалаў -өткериў пунктинен 3746 пуқара өткерилди.

Ҳәзирги ўақытта мәмлекетлераралық шегараны кесип өтиўде машқалалар жоқ, қадағалаў -өткериў пунктлери әдеттегише ислеп атыр,  пуқаралардың топланып қалыўы гүзетилип атырғанлығы жоқ»,  деп атап өтти министрлик өз мағлыўматында.

Өзбекстанға қайтып келген пуқаралар Республика арнаўлы комиссиясы тәрепинен белгиленген талапларға қатаң әмел еткен жағдайда 14 күнлик карантинге жайластырылады.

Kun.uz

 

Аўдарма:  kruz.uz

 

скачать dle 10.6фильмы бесплатно



  • 10-07-2020, 14:24 |
  • 1 274