Таксилер жүре ме? Таксилерге арнаўлы талаплар тийкарында рухсат бериледи

Республика арнаўлы комиссиясының қарары менен 2020-жыл 10-июльдан баслап республика көлеминде автотранспорт қуралларының ҳәрекетин шеклеў бойынша төмендеги талаплар енгизилмекте.

 

- Ўәлаятлар ҳәм қалалар аралық қатнаўларды әмелге асырыў бойынша белгиленген шеклеўлер дийхан ҳәм фермер хожалықлары тәрепинен жетистирилген аўыл хожалығы өнимлерин орынларға жеткериў ҳәм сатыў мақсетинде ўәлаятлар ҳәм қалалар аралық қатнаўларын әмелге асырыўға әмел етпейди.

 

Бунда дийхан ҳәм фермер хожалықларының автотранспорт қураллары базарлар, ярмаркалар ҳәм саўда орынларына киритиўден алдын дезинфекция етиледи.

 

Және, жөнелиссиз таксилерге жолаўшы тасыўға төмендеги арнаўлы талаплар тийкарында рухсат бериледи:

 

- жолаўшы тасыў ушын автотранспорт қуралы салонында шофёр орынлығы жолаўшылар орынлығынан пластик ямаса плёнка менен тосылған болыўы керек;

 

- шофёр ҳәм жолаўшы медициналық нықапта болыўы (медициналық нықапсыз жолаўшыны тасыў қадаған) шәрт;

 

- тек ғана еки жолаўшыны автотранспорт қуралы салоны артқы орынлығына өткериўи керек;

 

- тек ғана автотранспорт қуралы мәмлекетлик дизимнен өткерилген аймақ шеңберинде (Қарақалпақстан Республикасы, ўәлаятлар ҳәм Ташкент қаласы көлеминде) ҳәрекетлениўи шәрт.

 

Министрлер Кабинети жанындағы Дин ислери комитети Өзбекстан мусылманлары мәкемеси ҳәм басқа диний конфессиялардың усынысларын есапқа алған ҳалда республикадағы эпидемиологиялық жағдайдан келип шығып 2020-жылдың 10-июль сәнесинен баслап 1-августқа шекем диний шөлкемлердиң жумысы тоқтатылмақта.

 

Карантин талапларына қарсы көшелерде ҳәм майданларда үш адамнан артық болып жүриў, сондай-ақ, нықапсыз жүриў жағдайлары белгиленген тәртипте ҳәкимшилик жуўапкершиликке тартыўға тийкар болады. @koronavirusinfouz

 Аўдарма: makan.uz

скачать dle 10.6фильмы бесплатно



  • 9-07-2020, 08:34 |
  • 3 480