Өзбекстан Республикасы Жер ресурслары, геодезия, картография ҳәм мәмлекетлик кадастры мәмлекетлик комитети баслығының тараў қәнигелерине мүрәжааты

Өзбекстан Республикасы Жер ресурслары, геодезия, картография ҳәм мәмлекетлик кадастры мәмлекетлик комитети Баслығы Турахужаев Халилилло Собиржановичтың тараў қәнигелерине жоллаған мүрәжааты, басқарма ҳәм оның бөлимлери «Жермүлккадастр» ҳәм оның филиаллары сондай-ақ «Ўздаверлойиҳа» институты «ҚРЖержойбар» бөлими қәнигелерине оқып еситтирилди.

Өзбекстан Республикасы Жер ресурслары, геодезия, картография ҳәм мәмлекетлик кадастры мәмлекетлик комитети баслығының тараў қәнигелерине мүрәжааты

 

Мүрәжаатта тийкарынан, Ҳүрметли журт басшымыздың алдымызға қойған ўазыйпалар ҳәмде тараў раўажы ушын ислениўи зәрүр болған жумыслар тийкарында бир қатар иләжлерди әмелге асырыў ушын өз пикирлеримди билдиремен.

Комитет дизиминде 10 мыңнан аслам қәнигелер жумыс алып бармақта. Бүгиннен баслап барлығымыз тараў раўажы ушын ҳәр күнгиден де бир болып, бир шаңарақ болып бир жағадан бас шығарып мийнет қылыўымыз керек. Әлбетте, бунда ҳәр бир қәнигениң өз орны бар.

Өз лаўазымына немқурайлық пенен қарап, дәмегөйлик, быйпарўалық ямаса басқа ҳәрекетлер менен тараўға дағ түсириўге жол қоймаўымыз керек.

Өзбекстан Республикасы Жер ресурслары, геодезия, картография ҳәм мәмлекетлик кадастры мәмлекетлик комитети баслығының тараў қәнигелерине мүрәжааты

 

Ҳүрметли «Давергеодезкадастр» комитети қурамында жумыс алып барып атырған бирге ислесиўши қәнигелер, бизиң ең тийкарғы мақсетимиз коррупцияны тараўдан пүткиллей шығарып таслаў есапланады. Қашанға шекем бул бизиң жолдасымыз болады!

Мениң бул тараўдағы ең үлкен ҳәм тийкарғы ўазыйпам бул КОРРУПЦИЯға қарсы сөзсиз гүресиў болады ҳәм мен буни әмелге асырыў ушын қолымнан келген барлық ҳәрекетлерди қыламан !

Жанажан Ўатанымыз алдыдағы хызмет ўазыйпамыздан надурыс пайдаланып, қыңғыр жоллар менен табылатуғын харам пуллар бизге ақыры пәнжере артын көрсетиўин, сондай-ақ, жақынларымыз ҳәм перзентлеримиз тақдирине кери тәсир көрсетиўин умытпаўымыз зәрур. Азанда үйден жумысқа барыўымыз, кешқурын болса жумыстан үйге аркайын қайтыўымыз үлкен бахт екенлигин умытпаўымыз керек.

Сондай-ақ, мени ойландыратын және бир мәселе бул – жамаатимиздеги жақсы орталық толық раўажланбағанлығы, бир-биримизге болған ҳүрметтиң, исенимниң жоғалып баратырғаны. Баслық қәнигени, қәниге болса баслықты ҳүрмет етпеў жағдайларын ҳеш бир себеп пенен ақлап болмайды. Туўрысы бул мени ләрзеге келтирмекте. Бир нәрсени анық айта аламан, егер сондай кери ҳалатларға чек қоймасақ, жумысымызда өним болмайды.

Кәсбимизди суйип, өз ўазыйпамызды шын жүректен пәк кеўил менен орынлаў ҳәммемизге несип етсин. Себеби, ЖЕРДЕН АҚЫЛҒА УҒРАС ПАЙДАЛАНЫЎ КЕЛЕШЕК ӘЎЛАД АЛДЫНДАҒЫ ЎАЗЫЙПАМЫЗ ҲӘМ АМАНАТ ЕКЕНЛИГИН УМЫТПАЎЫМЫЗ КЕРЕК !

Мен өз гезегинде Сизлерге ўәде беремен – тараў хызметкерлериниң айлықларын көтериў ҳәм басқа социаллық жақтан қорғаў мәселелери менен қатты шуғылланаман.

Ҳәммеңизге мийнет жолыңызда күш-қайрат, зор денсаўлық ҳәм раўаж тилеймен.

Пәк арзыў нийетлеримизди, режелеримизди әмелге асырыўда Жаратқанның өзи қоллап-қуўатласын.

Бул мүрәжаат тийкарында барлық тараў қәнигелери шын кеўилден ҳадал мийнет етиўге, өзине жүклетилген уазыйпаларды болжытпай орынлаў керек екенлиги жане бир мәрте түсиндирилди.

скачать dle 10.6фильмы бесплатно



  • 7-07-2020, 17:43 |
  • 1 040