Қарақалпақстанда шарўашылық ушын аукционсыз жер берилиўи мүмкин

“Қарақалпақстан  Республикасында шарўашылық тармақларын жедел раўажландырыў бойынша қосымша ис-илажлар ҳаққында”ғы Президент қарары (ПҚ-4776, 03.07.2020-ж.) қабыл етилди.

 

Қарарға муўапық, Қарақалпақстан  Республикасының барлық районларында ири ҳәм майда шахлы нәсилли шарўа малларын санаат усылында, сондай-ақ жайлаў ҳәм пишензарларда жайып бағыў, шарўа маллары ушын азықлық ислеп шығарыў, шарўашылық өнимлерин қайта ислеўге байланыслы жойбарларды әмелге асырыў ушын жойбар басламашыларына: 

 

- шарўа малларын санаат усылында бағыў ушын суўғарылатуғын жерлер ҳәмде оларды жайып бағыў ушын пишензарлар ҳәм жайлаўлар, шарўашылық комплекслери, шарўашылық өнимлерин қайта ислеў, аралас  жем ислеп шығарыў мақсетинде имаратлар қурыў ушын аўыл хожалығында пайдаланылмайтуғын жер участкасы болмаған жағдайда, өнимдарлығы төмен суўғарылатуғын жер участкалары, шеклеў тәризинде, таңлаў ҳәм аукцион өткерместен Комиссияның усынысына тийкар ажыратып бериледи;

 

- Исбилерменлик искерлигин қоллап-қуўатлаў мәмлекетлик қоры тәрепинен бир ўақыттың өзинде компенсация менен биргеликте кепиллик те бериледи.

 

Исбилерменлик искерлигин қоллап-қуўатлаў мәмлекетлик қорының компенсация ҳәм кепиллигинен пайдаланған усы аймақтағы шарўашылық тараўындағы исбилерменлик субъектлерине, олардың кредит бойынша қарыздарлығы толық қапланбағанға шекем, шеклеў тәризинде, қордың кепиллигинен пайдаланыўға рухсат бериледи.

 

Еслетип өтемиз, Президенттиң тийисли қарары (https://lex.uz/docs/4588387) менен жоқарыдағы жеңилликлер тек ғана Қарақалпақстан  Республикасының Бозатаў, Мойнақ, Тахтакөпир ҳәм Қоңырат районлары ушын енгизилген еди.

 

Дерек:  @huqiqiymalimleme

скачать dle 10.6фильмы бесплатно



  • 6-07-2020, 09:58 |
  • 941