Ипотека кредитлери ушын субсидия бериў бойынша түсиник

Субсидия бойынша улыўма түсиник.

 

  1. Субсидия деген не? – Субсидия мәмлекет тәрепинен пуқараға кредитке турақ жай сатып алыўы ушын басланғыш төлеми яки процентлериниң бир бөлегин қаплаў ушын берилетуғын пул. Ол қайтарып алынбайды.

 

  1. Субсидия берилетуғын жайлар менен «арзанластырылған турақ жай»дың қандай парқы бар? - Субсидия базар баҳасындағы турақ жайға бериледи, ал бурыннан берилип киятырған арзанластырылған турақ жайлар жасаў жериңиздеги ҳәкимликлер тәрепинен дүзилетуғын дизим бойынша белгиленген баҳаларда ажыратылады.

 

  1. Субсидия кимлерге бериледи? - Турақ жай шараятын жақсылаўға мүтәж болған шаңарақларға, аўыр социаллық жағдайға түсип қалған ҳаял-қызларға, мәмлекеттиң социаллық турмысында белсендилик көрсетип атырған жаслар ҳәм усы категориядағы басқа Өзбекстан пуқараларына бериледи.

 

  1. Арзаны ким бериўи мүмкин? - 18 жасқа толған пуқара. Егер пуқара мийнет мигранты болып сырт елде жумыс ислеп атырған болса, оның шаңарақ ағзалары.

 

  1. Субсидия алатуғын пуқара қалай анықланады? - Буны арнаўлы комиссия жыйнаған балларға қарап анықлайды. Яғный субсидия бериў дизимде ең көп балл алғанлардан басланады ҳәм белгиленген квота шеңберинде ажыратылады.

 

☑️ Баллдың муғдары төмендегилерге (https://t.me/davxizmat/3055) карап анықланады:

✔️ шаңарақтың дәраматы (қалада ҳәм аўыллық жерлерде өз алдына көрсеткишлер белгиленген);

✔️турақ жайы бар жоқлығы (ижара яки жеке меншик);

✔️ мийнет мигрантлары (labour-migration бағдарламасында дизимде турғанлар) болыўы;

✔️ айрықша үлги көрсеткен шаңарақлар;

✔️ аўыр социаллық жағдайға түсип қалған ҳаял-қызлар;

✔️ жалғыз бағыўшысы (ер адам) болған шаңарақ;

✔️жетим ҳәм ата-анасының қараўысыз қалған балалар,

✔️жалғыз ҳаяллар;

✔️шаңарақта майыплығы болған шахслардың болыўы.

 

 Тийкар: ӨзР Министрлер Кабинетиниң 25.03.2020-жылдағы 182-санлы қарары (https://lex.uz/docs/4774086).

 ???? Даўамы бар: Субсидия алыў ушын арза бериў ҳәм арзаны көрип шығыў тәртиби

 

Дерек: https://t.me/xaliq_ushin/1134

@xaliq_ushin

скачать dle 10.6фильмы бесплатно



  • 3-07-2020, 12:07 |
  • 1 784