"Мәжбүрий орынлаў бюросынан карантинде жатқан адамға қарыз келеди екен" – бул ӨТИРИК

Makan.uz’дың телеграмдағы бот мәнзилине пуқаралардан көплеген мазмундағы мүрәжатлар келеди. Соңғы ўақытлары бир сораў көп келе баслады, яғный, Қазақстан Республикасынан Өзбекстанға қайтып киятырған пуқаралар арасында «Шегарадан өткеннен соң, карантинде жатып шыққан адам үйине барғаннан кейин Мәжбүрий орынлаў бюросынан қарыздарлық ҳаққында қағаз келеди екен» деген гәп тарқалып, адамлар бул айтылғанлар қаншелли дәрежеде ҳақыйқат екенин билип бериўди сорады.

 

"Мәжбүрий орынлаў бюросынан карантинде жатқан адамға қарыз келеди екен" – бул ӨТИРИК

 

Бундай гәп-сөзлерге анықлық киргизиў ушын Мәжбүрий орынлаў бюросы Қарақалпақстан Республикасы басқармасы баслығы Азамат Юлдашевқа хат жолладық ҳәм 2020-жылдың 29-июнь күни төмендегише жуўап алдық.

 

«Мәжбүрий орынлаў бюросы органлары Өзбекстан Республикасы Президентиниң 29.05.2017-жылдағы ПП-5059-санлы Пәрманына муўапық шөлкемлестирилген болып, оның тийкарғы ўазыйпаларының бири сыпатында суд ҳүжжетлери ҳәм басқа органлар ҳүжжетлериниң  сөзсиз орынланыўын тәмийинлеў, орынлаў ҳүжжетлери ҳәм өндирилген қаржылардың ҳақыйқый есабын жүргизиў, орынлаў исин жүргизиўде әўерегершилик ҳәм немқурайлық жағдайларының алдын алыў ўазыйпалары жүклетилген.

 

Усы себепли, Бюроның мәмлекетлик орынлаўшылары тәрепинен тек ғана жоқарыда атап өтилген, суд ямаса басқа органлардың лаўазымлы шахслары тәрепинен қабыл етилген қарарлары тийкарында мәжбүрий орынлаў ҳәрекетлерин әмелге асырады.

                            

Сонлықтан, Сизиң хатыңызда атап өтилген жағдайлар, яғный, пуқараларымыз арасында тарқалып атырған гәп-сөзлер тийкарсыз екенлигин ҳәм ҳақыйқатқа туўра келмейтуғынлығын мәлим етемиз.

Мәжбүрий орынлаў бюросы Қарақалпақстан Республикасы басқармасы баслығы Азамат Юлдашев».

 

Мағлыўмат ушын, 22-июнь күни жәрияланған Республика арнаўлы комиссиясының қарары менен Өзбекстанда пуқаралар 14 күнлик карантин дәўирин өз қәлеўине қарап төлемли ҳәм бийпул аймақларда өткериўи мүмкин.https://t.me/koronavirusinfouz/4372.

 

Яғный, Республика Арнаўлы комиссияның қарарына муўапық, эпидемиологиялық жағдай жақсыланбаған (кеселленгенлер саны азаймаған) мәмлекетлерден Өзбекстанға қайтып келген пуқаралар өзлериниң қәлеўине қарап 14 күнлик карантинди мәмлекет тәрепинен тәмийинленетуғын карантин орайларында ямаса өзиниң есабынан мийманханаларда өткериўи мүмкин.

 

Лалагүл Қаллыханова,

журналист

скачать dle 10.6фильмы бесплатно



  • 29-06-2020, 22:58 |
  • 1 234