Қарақалпақстан Республикасы Жоқарғы Кеңесиниң makan.uz’дың жер мәселеси бойынша жазған арзасына жуўабы

Мен, Қаллыханова Лалагүл усы жылдың 8-июнь күни араб шейхына жер бериў жойбарына қарсы болып Жоқарғы Кеңес пенен Министрлер Кеңеси баслықларының атына арза жаздым.

 

Жоқарғы Кеңеске берилген арза тексти

 

Қарақалпақстан Республикасы Министрлер Кеңеси баслығы  Қ. Сариевқа Нөкис қаласы У.Бекманов 95-жай турғыны Л.Қаллыхановадан

АРЗА

Усы арзам арқалы, Қарақалпақстан Республикасы Министрлер Кеңесиниң «Өзбекстан Рспубликасы норматив ҳуқықый ҳүжжетлер жойбары сайтына 18605-санлы ID менен 06.06.2020-жыл қойылған «Жоқары мәртебели Шейх Мансур Бен Заид аль Нахаянның Өзбекстан Республикасындағы дипломатиялық ўәкилханасына дала лагерин қурыў ушын жер ажыратыў ҳаққындағы» Өзбекстан Республикасы Министрлер Кабинетиниң бийлигине, яғный, Қарақалпақстан Республикасы аймағынан Шейх Мансур Бен Заид аль Нахаянға Қоңырат районы аймағынан жер берилиўине қарсыман!

Бул жойбарды додалаўдан алып таслаўды ҳәм жер мәселесиндеги мениң қарсылығымды есапқа алыўыңызды талап етемен.

Арза бериўши Қаллыханова Лалагүл Оразғалиевна

08.06.2020-жыл.

 

Жуўап

 

№03-314

22.06.2020

 

Сизиң 2020-жыл 8-июнь күни Қарақалпақстан Республикасы Жоқарғы Кеңеси Баслығының атына жоллаған мүрәжатыңыз бойынша төмендегилерди мәлим етип билдиремиз:

 

«Жер ҳаққында»ғы Қарақалпақстан Республикасы нызамының 15-статьясында «Жер мәмлекет мүлки – улыўма миллий байлық болып есапланады, оннан ақылға уғрас пайдаланыў зәрүр, ол мәмлекет тәрепинен қорғалады ҳәм алып-сатылмайды, алмастырылмайды, инам етилмейди, гиреўге қойылмайды, Қарақалпақстан Республикасы нызам актлеринде нәзерде тутылған жағдайлар буған кирмейди» деп көрсетип өтилген.

Сондай-ақ, усы нызамның 3-статьясына муўапық Өзбекстан Республикасының халық аралық шәртнамасында Қарақалпақстан Республикасының жер ҳаққындағы нызам ҳүжжетлериндегиден басқаша қағыйдалар белгиленген болса, халық аралық шәртнама қағыйдалары қолланылатуғынлығы да атап өтилген.

Өзбекстан Республикасы Жер кодексиниң 24-статьясында сырт ел инвестициялары қатнасындағы кәрханаларға, халық аралық бирлеспелер ҳәм шөлкемлерге, сырт елли юридикалық ҳәм физикалық шахсларға жер участкасын шәртнама тийкарында ижараға бериў Өзбекстан Республикасы Министрлер Кабинети тәрепинен әмелге асырылатуғынлығы белгиленген.

Өзбекстан Республикасы Министрлер Кабинетиниң «Жоқары мәртебели Шейх Мансур Бен Заид Аль Нахаянның Өзбекстан Республикасындағы дипломатиялық ўәкилханасына дала лагерин қурыў ушын жер ажыратыў ҳаққында»ғы бийлик жойбары Қарақалпақстан Республикасы Министрлер Кеңесиниң усынысы тийкарында Өзбекстан Республикасы Жер кодексиниң 24-статьясына муўапық ислеп шығылған.

Жоқарыдағы нызам ҳүжжетлерине тийкарланған ҳалда Өзбекстан Республикасы Министрлер Кабинетиниң бийлик жойбарында жерди тек ғана ижараға бериў нәзерде тутылған. Сондай-ақ, бийлик жойбарында нызам талапларына муўапық ижара шәртнамасын мүддетинен алдын тоқтатыў ҳәм бийкар етиў тәртиби көрсетип өтилген.

Берилген жуўап хатына наразы болсаңыз, «Физикалық ҳәм юридикалық шахслардың мүрәжатлары ҳаққында»ғы Қарақалпақстан Республикасының нызамына тийкарланып, белгиленген тәртипте тийисли уйымларға мүрәжат етиў ҳуқықыңыз бар екенлигин билдиремиз.

 

Қарақалпақстан Республикасы Жоқарғы Кеңесиниң Нызамшылық, суд-ҳуқық ҳәм коррупцияға қарсы гүресиў мәселелери комитетиниң баслығы З.Реймова 

 

Қарақалпақстан Республикасы Жоқарғы Кеңесиниң makan.uz’дың жер мәселеси бойынша жазған арзасына жуўабы

 

Қарақалпақстан Республикасы Жоқарғы Кеңесиниң makan.uz’дың жер мәселеси бойынша жазған арзасына жуўабы

 

Қарақалпақстан Республикасы Жоқарғы Кеңесиниң makan.uz’дың жер мәселеси бойынша жазған арзасына жуўабы 

скачать dle 10.6фильмы бесплатно



  • 25-06-2020, 22:57 |
  • 1 058