Судланғанлық яки судланбағанлық ҳаққында мағлыўматнама алыўға өзгерис киритилди

Өзбекстан Республикасы Президентиниң «Мәмлекетлик хызметлерин көрсетиў миллий системасын жедел раўажландырыў бойынша қосымша ис-иләжлар ҳаққында»ғы 2020-жыл 31-январдағы ПФ-5930-санлы Пәрманының 3-қосымшасына муўапық Мәмлекетлик хызметлер орайлары арқалы көрсетилетуғын мәмлекетлик хызметлерин көрсетиўди реформалаў бойынша Жол картасы тастыйықланды.

Бүгинги күнде Пәрманға қосымша тастыйықланған жол картасында көрсетилген мәмлекетлик хызметлерге басқышпа басқыш өзгерис ҳәм қосымшалар киритилмекте.

Солардан бири сыпатында Өзбекстан Республикасы Министрлер Кабинетиниң 2018-жыл 4-октябрдеги 797-санлы қарары менен тастыйықланған Судланғанлық ҳаққында мағлыўматнама бериў бойынша мәмлекетлик хызметин көрсетиўдиң ҳәкимшилик регламентине өзгерис ҳәм қосымша киритиў бойынша Министрлер Кабинетиниң 364-санлы қарары қабыл етилди.

Қарарға муўапық, Өзбекстан Республикасы пуқаралары, Өзбекстан аймағында барқулла жасаўшы физикалық шахстың жеке идентификация рақамы бар болған шет ел пуқаралары ҳәмде пуқаралығы болмаған шахсларға Мәмлекетлик хызметлер орайлары арқалы алдын судланғанлығы, жинайый жуўапкершиликке тартылғанлығы, реабилитация қылынбайтуғын асасларға көре жуўапкершиликтен азат етилгенлиги ҳалатына байланыслы мағлыўматнама бериў бойынша мәмлекетлик хызметин көрсетиў тәртибин белгилейди.

Соның менен бирге Регламенттиң 6-бәнтине, яғный киритилген өзгериске муўапық, пуқаралар судланғанлық яки судланбағанлық ҳаққында мағлыўматнама алыў ушын арза бериўши яки оның жақын туўысқанлары (ата анасы, өмирлик жолдасы ҳәм балалары) арза бериўши атынан мүрәжат етиў ҳуқықына ийе, сондай-ақ  арза бериўши үшинши шахс мәпи ушын шәртнама (ордер) тийкарында адвокатлар тәрепинен мүрәжат етилгенде нотариал тастыйықланған исенимнама талап етилмейди.

Бул өз гезегинде пуқаралардың судланғанлық яки судланбағанлық ҳаққында мағлыўматнаманың талап етилиўи пуқараларға қосымша әўерегершилик ҳәм қолайсызлықлардың алдын алыўдан ибәрат.

 

А.Дауекеев,

Кегейли районы Мәмлекетлик хызметлер орайы директоры

скачать dle 10.6фильмы бесплатно



  • 23-06-2020, 12:25 |
  • 1 726