Банкротлық ислерин көрип шығыўда нызамшылықтағы өзгерислер

Өзбекистан Республикасы Экономикалық процессуал кодексине муўапық кәрхана ҳәм пуқаралардың банкротлыгы ҳаққындағы ислер экономикалық судлары тәрепинен Өзбекстан Республикасының «Банкротлық туўрысында»ғы Нызамында белгиленген өзгешеликлерди инабатқа алған ҳалда көрип шығылады.

Мәмлекетимиздиң экономикасы ҳәм суд ҳуқық тараўының раўажланыўы менен нызамшылығымыз да жетилистирилип барылмақта.

Атап айтқанда, Өзбекстан Республикасы Президентиниң 2019-жыл
1-февраль күнги «Банкротлық процедураларын әпиўайыластырыў ҳәм суд басқарыўшылары жумысларын түптен жетилистириў ис-иләжлары туўрысында»ғы 4146-санлы қарары қабыл етилди.

Қарарға муўапық 2019-жылдың 1-май күнинен баслап мәмлекетлик салық хызмети органларының арзалары бойынша қозғатылған банкротлықтың әпиўайыластырылған  процедураларын өткериўде суд басқарыўшылары мәмлекетлик салық хызмети органлары хызметкерлери арасынан тайынлаў әмелияты бийкар етилип, Өзбекстан Республикасы суд басқарыўшылары ассоциациясы ағзалары есапланған шахслар суд басқарыўшылары етип тайынланыўы белгиленди.

Алдын банкротлық ислери бойынша суд басқарыўшыларына айлық ис ҳақысы төлениўи мәселесиде машқалалы болып, айлық ис ҳақысы қарыздар кәрхана тәрепинен қапланыўы белгиленген еди.    

Ал, усы қарар бул машқалаға шешим табылып, қарар менен қарыздар турған орындағы районлық (қалалық) мәмлекетлик инспекциясының қарарына тийкар ҳәр бир жуўмақланған сапластырыўға байланыслы ис бойынша Өзбекстан Республикасы мәмлекетлик бюджети есабынан суд басқарыўшыларына мийнетке ҳақ толеўдин ен кем муғдары  7,03 есеси муғдарында ҳақы төлениўи, салықлар ҳәм басқа мәжбүрий төлемлер бойынша қарыздарлықты сөндириўде төленген қарыз суммасының 5 пайызы муғдарында қосымша ҳақы төлеў белгиленди.

Сондай-ақ, қарар менен және бир жаңалық әмелиятқа енгизилип, енди суд басқарыўшыларының жумысын «пуқаралық ҳәм экономикалық суд ислерин жүритиў» қәнийгелиги бойынша лицензияға ийе болған ҳәм суд басқарыўшысы аттестатын алған адвокатлар тәрепинен де әмелге асырылыўы белгиленди.

 

З.Хасанова,

Нөкис районлар аралык

Экономикалық суды баслығы                                                            

 

скачать dle 10.6фильмы бесплатно



  • 19-06-2020, 22:07 |
  • 701