Есаплағышларды стандарттан ѳткериў бойынша арзаларды кѳрип шығыў 2020-жыл 1-сентябрь айына шекем создырылды

Бәриӊизге белгили, ҳәзирги ўақытта елимизде коронавирус инфекциясы тарқалыўы менен карантин болыўына байланыслы, пухаралардыӊ "электр энергиясы, тәбиий газ, ишимлик суў есаплағышларын стандарттан ѳткериў, қалай әмелге асырылады" деген сораўлар келип түспекте. Бул мәселеге айдынлық киритиў мақсетинде, халыққа жеӊиллик жаратыў ушын мәмлекетлик хызметлер орайлары тәрепинен электр энергиясы, тәбиий газ, ишимлик суўын есапқа алыў приборларын мәмлекет стандарт қияслаўдан ѳткериў бойынша келип түскен арзаларды кѳрип шығыў мүддетлери 2020-жыл 1-сентябрь айына шекем узайтырылды.
Еслетип ѳтемиз, усы сынаўлы күнлерде мәмлекетлик хызметлер орайлары ѳз жумысын даўам етпекте, бирақ жәмийетшилик арасында ҳаўлықпаға берилиў нәтийжесинде, халықты карантин қағыйдаларына әмел еткен ҳалда, орайларда тек ғана ЭРИ яғный электрон рақамлы имза бериў хызмети кѳрсетилмекте ҳәм орай хызметкерлери тәрепинен my.gov.uz электрон порталы арқалы электрон хызметтен пайдаланыў тәртиби ҳаққында түсиниклер берилмекте.
Озиӊизди ҳәм жақынларыӊызды асраӊ! Үйиӊизде қалыӊ.
Д.Бекбулиева
Нѳкис қаласы Мәмлекетлик хызметлер орайы қәнигеси

скачать dle 10.6фильмы бесплатно



  • 21-04-2020, 16:21 |
  • 212