Ҳурметли исбилерменлер!

 

Коронавирус инфекциясы тарқалыўына қарсы гуресиў дәўиринде халықты социаллық қорғаўды күшейттириў ҳәм экономикалық тармақларының хызмет көрсетиў турақлылығын тәмийинлеў, сондай-ақ, исбилерменлик субъектлерин қоллап-қуўатлаў бойынша Президентимиздиң бир қанша Пәрман ҳәм  қарарлары қабыл етилди.

Пәрман ҳәм  қарарлары менен исбилерменлерге салық, банк кредитлериниң муддетлерин узайттырыў, исбилерменлер хызметинде салық аудити тексериўлерине мораторий жәрияланғанлығы ҳәм басқа бир қанша имтиязлар берилди.

Буның менен пандимия шараятында исбилерменлер қоллап-қуўатланды ҳәм оларды банкротлық жағдайына тусип қалмаслығы бойынша шаралар көрилди.

Президентимиз тәрепинен қабыл етилген Пәрман ҳәм қарарлар менен берилген имтияз ҳәм преференцияларды исбилерменлерге қолланылыўының орынланыўы Бизнес-Омбудсман тәрепинен қадағалап барылмақта.

Атап айтқанда, пандимия дәўиринде 1029 исбилерменлерге пайдаланылмай атырған объектлер бойынша 6,7 млрд млрд сўмлық асырылған (жер ҳәм мал-мулк) салықларын есаплаў тоқтатылды, 3144 мыңан артық 543 млрд. сўмлық кредит шәртнамалары бойынша кредит төлемлери кешиктирилди ҳәмде хызметин тоқтатыўға мәжбур болған 365 исбилерменлерге  мәмлекет мүлкинен пайдаланғанлығы ушын ижара төлемлериниң есапланыўы ҳәм өндирилиўи тоқтатылыўына ерисилди.

Мәмлекетимиз Президенти басшылығында 3-июнь куни өткерилген видео селектор жыйналысында карантин шараларын жумсатыў бойынша бир қатар тапсырмалар берди.

Буның нәтийжесинде Республика арнаўлы комиссиясы тәрепинен қабыл етилген қарарына тийкар коронавирус инфекциясының тарқалыўы менен байланыслы эпидемиялық жағдайдан келип шыққан ҳалда, Қарақалпақстан Республикасында Қоңырат районы “қызыл”, Нөкис қаласы “сары” ҳәм қалған бәрше районлар “жасыл” тайпаға киритилген.

Арнаўлы комиссия 2020-жыл 3-июнь күнги 27-санлы қарарына муўапық;

2020-жыл 5-июнь күнинен баслап:

мийманханалар, санаторийлар, пансионатлар, балалар дем алыў орынлары, уй мийманханалары, пляжлар, басқа дем алыў орынлары ҳәм жайластырыў қураллары хызметине (хостеллар буннан тысқары);

уй мийманханалары ҳәм салық уйымларында дизимнен өткен дала ҳәўлилер (дачалар) хызметине (текғана шаңарақ мийманханаларына хызмет көрсетиў ушын);

мийманханалар, санаторийлар, пансионатлар, балалар дем-алыў орынлары, уй мийманханалары, пляжлар, басқа дем алыў орынларында жайласқан ҳәмде ашық ҳаўада хызмет көрсетиўши улыўма аўқатланыў объектлери (ресторан, кафе, асхана, шайхана) хызметине;

индивидуал шуғылланыў ушын тренажёр заллары ҳәм бассейнлер хызметине;

тәлим орайлары, дөгереклер (10 кисиден көп болмаған топар шөлкемлестирип, ўақтын алдыннан келискен ҳалда) хызметине, сондай-ақ диний шөлкемлери хызметине;

2020-жыл 15-июнь күнинен баслап:

улыўма аўқатланыў объектлери, буйым базарлары хызметине;

мектепке шекемги тәлим мәкемелери хызметине;

аймақлар ортасындағы автобус қатнаўларына рухсат берилмекте.

Өз нәўбетинде орнатылған карантин қағыйдаларына қатаң әмел етиў, атап айтқанда:

жәмийетлик орынлары ҳәм исбилерменлик хызмети объектлеринде социаллық аралық (2 метр)ты сақлаў, үш кисиден артық жыйналмаўы, пуқаралардың медициналық маскадан ҳәмде антисептик қуралларынан пайдаланыўы;

дийхан, қурылыс базарлары, азық-аўқат ҳәм азық-аўқат саўда орынлары (супермаркет ҳәм басқа ири дүканлар) кириў-шығыў орынларын пирометрлар ҳәм антисептик қураллары менен тәмийинлеў ҳәмде ҳәр бир пуқараның дене температурасын өлшеп, 37*С ҳәм оннан жоқары болған жағдайда, усы комплекслерге киритилмеў шараларын көриў;

барлық мәкемелер кириў-шығыў орынларын пирометрлар, антисептик қураллары ҳәм дезинфекцион “төсек”лер менен тәмийинлеў ҳәмде хызметкерлер тәрепинен социаллық аралық
(2 метр)ты сақлаған ҳалда жумыс жүритиўин тәмийинлеў, сондай-ақ хызмет түрлери бойынша белгиленген санитария қағыйдалары ҳәм нормаларына әмел етиў ҳәр биримиздиң баслы ўазыйпамыз ҳәм жуўапкершилигимиз екенлигин умытпаўымыз лазым.

Сол себепли, Исбилерменлик субъектлери тәрепинен өз хызметлеринде белгиленген карантин қағыйдаларына, санитария қағыйдаларына ҳәм нормаларына қатаң әмел еткен ҳалда әмелге асырыўыңызды сорап қаламыз.

 

Мүрәжат ушын телефонлар: (61) 222-10-71, 222-10-43

 

Өзбекстан Республикасы Президенти жанындағы Исбилерменлик субъектлериниң ҳуқықларын ҳәм нызамлы мәплерин қорғаў бойынша Ўәкил аппараты

скачать dle 10.6фильмы бесплатно



  • 6-06-2020, 12:20 |
  • 860