Нөкис район турғынынан мүрәжат

Мен Нөкис районы Қызыл үй ширкет хожалығы турғыныман. Сизлерге өз шағымым менен жазып атырман.

Қызыл үйге барыў ушын Шортанбай Ақтереке кейин Қырантаўдың үстинен жол өткен. Әне усы жол өз ўақтында Қырантаўға шекем ремонт исленеди. Қырантаўдан арғы жағы Қызыл үйге шекем 15 шақырым шамасы. Усы 15 шақырым жолға 1986-жылдан берли ҳеш қандай ремонт яки реконструкция исленбеди. Ол аўылда 100ден аслам хожалық жасайды. Жолдың жаманлығы себепли автобуста көбинше бармай қалады. Таксилер болса Нөкис районның орайына келиўи ушын адам басынан 7 мың 500 сўмнан алады, қайтыўы және бар. Тәбийий газ 1994-жылдан кейин улыўма жанбады, газ трубаларын 2018-жылы қайсы бир мәкеме кесип алып кетти.

Ол аўылда да бир қанша спортқа оқыўға инталы жас өспиримлер бар, бирақ қыста газ жоқлығы себепли мектептиң ишине кирип отырып оқыў былай турсын ишинде қыймылдап жүрсең де тоңасан. Газ жоқ болған соң ҳәмме отын жағады, отынды тоғайдан алады ол тоғай отын алғаннан кейин ашылып қашып 11 шақырымға узақласты. Айтайын дегеним, депутатлар яки болмаса Ҳүкимет басшылары тек республика яки қала орайындағы затларға итибар бере берместен сондай аўылларға да итибар берсин. Аўылға газ барса халықтың күн көриси аңсатласар, қыста оқыўшылар тоңбай оқыр ҳәм ең абзалы тоғайларымыз азаймас, сол себепли тәбиятымыз жайнап жаснар еди. 

 

скачать dle 10.6фильмы бесплатно



  • 4-06-2020, 22:40 |
  • 2 200