Нөкис қаласында автотранспортлардың ҳəрекетлениў ўақты ɵзгерди

Нөкис қаласы “сары” категорияға өткерилгени себепли Ɵзбекстан Республикасына коронавирустың кирип келиўи ҳəм тарқалыўының алдын алыў бойынша республика арнаўлы комиссиясы жыйналысының 2020-жыл 14-майдағы 23-санлы баянламасына тийкар пайтахтымыз аймақларында саат 06.00 ден – 22.00 ге шекем болған ўақыт аралығында автотранспорт қуралларының арнаўлы раухсатнамасыз (стикерсиз) ҳəрекетлениўине руқсат етилди.

Бул ҳаққында Қарақалпақстан Республикасына коронавирустың кирип келиўи ҳəм тарқалыўының алдын алыў бойынша илажлар бағдарламасын таярлаў бойынша республикалық арнаўлы комиссиясының мəжилис баянламасы қабыл етилди.

Еслетип өтемиз, автотранспорт қураллары салонындағы пуқаралардың саны авторанспорт басқарыўшысы менен қоса 4 адамнан аспаўы қатаң белгилеп қойылған.

Сондай-ақ, барлық аймақларда олардың категориясына қарамастан əмелдеги белгилеп қойылған талаплар сақланып қалады.

Ҳүрметли пуқаралар ҳəм автотранспорт қуралларын басқарыўшылар! Сизге Қарақалпақстан Республикасы “қызыл” категорияда турғанын жəне бир мəрте ескерте отырып, Карантин талапларының жумсартылыўына байланыслы арқайынлыққа берилместен белгиленген қағыйдаларға қатаң əмел етиўге шақырамыз!

 

Қарақалпақстан Республикасы Министрлер Кеңесиниң Мəлимлеме хызмети

 

скачать dle 10.6фильмы бесплатно



  • 1-06-2020, 11:17 |
  • 5 942