Шымбай районы Жаслар аўқамы сәрдары тест сынақларысыз студент болды

Шымбай районы Жаслар аўқамы сәрдары тест сынақларысыз студент болды

  

Өзбекстан жаслар аўқамы системасында көп жыллық мийнет стажына ийе  болған, пидайы, тәбийий жетекшилик қәбилетин көрсете алған, мәмлекет келешегине байланыслылық сезимин түйе алған ҳәм басқада инсаныйлық пазыйлетлер ийеси болған жасларды қоллап-қуўатлаў системасын және де жеделлестириў мақсетинде Өзбекстан Республикасы Министрлер Кабинетиниң 2017-жылы 14-ноябрь күнги «Өзбекстан жаслар аўқамының белсенди ағзаларына жоқары оқыў орынларына кириўде имканиятлар жаратыў ҳаққында» ғы 914-санлы қарары тастыйықланған.

Усы қарарға тийкар Шымбай районы «Камалак»  балалар шөлкеми жанындағы Сәрдарлар Кеңеси ағзасы, «Аўқам» сәрдары  Нурсултан Нурниязовта районлық комииссияға өз ҳүжжетлерин тапсырды ҳәм Қарақалпақстан Республикасы Министрлер Кеңеси ҳәм Жаслар аўқамы Қарақалпақстан Республикалық Кеңеси тәрепинен мақул деп табылған талабанлар қатарында сәўбеттен өтти.

Таңлаўдың Республика басқышына жоллама алып, өзиниң қәбилети ҳәм билими менен Бердак атындагы Каракалпак мамлекетлик университетине мәмлекетлик тест сынақларысыз оқыўға қабылланып, студент болыў бахтына еристи.

Нурсултанды бүгинги жетискенлиги менен қутлықлай отырып, камалға келтирген ата-анасына, билим берген устазларына миннетдаршылық билдиремиз ҳәм бәлент пәрўазлар тилеймиз.

 

Жаслар аўқамы Шымбай районлық Кеңеси

скачать dle 10.6фильмы бесплатно



  • 29-05-2020, 21:46 |
  • 1 803