Айдаўшылық гүўалығы рәсмий ID-ҳүжжет дәрежесинде болады. Буннан басқа да өзгерислер бар

Октябрь айынан айланысқа киритилиўи лазым болған жаңа үлгидеги миллий айдаўшылық гүўалығы шахсты тастыйықлаўшы рәсмий ҳүжжет ретинде болады. Бул Министрлер Кабинетиниң 19-июньдағы қарарында нәзерде тутылған. Бул ҳаққында gazeta.uz басылымы хабар бермекте.

Ҳүжжет пенен ҳүкиметтиң 2-марттағы «Миллий айдаўшылық гүўалығының ҳәм автотранспорт қуралы дизимнен өткерилгенлиги ҳаққында»ғы қарарына өзгерис ҳәм қосымшалар киритилди.

Жаңаланған текстте келтирилиўинше, гүўалықта физикалық шахстың жеке идентификация саны ҳәм қурылмалар менен аралықтан турып мағлыўмат алмасыўға имкан бериўши арнаўлы электрон белги (NFC смарт-карт) бар болады.

Дәл усындай элементлер автотранспорт қуралы дизимнен өткерилгенлиги ҳаққындағы гүўалықта да болады (юридикалық шахстың транспорт қуралы ушын жеке идентификация саны орнына салық төлеўшиниң идентификация саны болады).

Ҳүжжетке анықлық киритилиўинше, ҳәр еки гүўалық усынылған халық аралық стандартлар тийкарында таярланады. Оларда англичан тилиндеги аўдарма жақсыланған болып, айырым элементлердиң жайласыўы қайтадан көрип шығылған.

Гүўалықларды жаңа үлгидегилери менен алмастырыў ушын айдаўшы паспорты, гөне айдаўшылық гүўалығы ҳәм оған берилген талонды усыныўы жеткиликли екени белгиленди.

Гүўалықларда электрон система енгизилиўи мүнәсибети менен 2021-жыл 1-январьдан баслап техникалық көриўден өткенлиги ҳаққындағы белгини мәжбүрий жүргизиў, автотранспорт қуралынан пайдаланыў ямаса оған ийелик етиў ҳаққындағы исенимнама ҳәм транспорт қуралы ийесиниң пуқаралық жуўапкершилигин мәжбүрий қамсызландырыў полисин талап етиў әмелияты бийкарланады.

Ишки ислер системасында мәмлекет хызметлерин көрсетиў дәрежесин жақсылаў ушын ИИМ жанындағы Инновациялық жойбарлар ҳәм халыққа сервис хызметин көрсетиў орайы шөлкемлестириледи.

 

Иллюстрация: «Газета.uz»

скачать dle 10.6фильмы бесплатно



  • 21-06-2017, 10:10 |
  • 650