Пуқара Шайдагүл Мәжитованың youtube арқалы Президентке жоллаған мүрәжатына рәсмий жуўап

Пуқара Шайдагүл Мәжитованың youtube арқалы Президентке жоллаған мүрәжатына рәсмий жуўап

  

YouTube социаллық тармағында пуқара, Шоманай районы турғыны Шайдагүл Мажитовада тәрепинен усы жылдың 14 ҳәм 17-май сәнелеринде Өзбекстан Республикасы Президентине мүрәжат жолланып, онда өзиниң еки перзенти бар екенлиги, кем тәмийинленгенин, нәгиранлығы бар пуқараларға ажыратылып атырған турақ жайлардан өзине берилмей атырғанлығы ҳаққында сөз етилген.

Бул мүрәжатқа Нөкис қаласы ҳәкимлиги төмендегише мүнәсибет билдиреди.

Пуқара Шайдагүл Мажитова тийкарынан Шоманай районы турғыны, еки перзенти бар, Нөкис каласына келип, ҳәр жерде ўақтыншалық есапта турып, Президент қабыллаўханасына, Нөкис қаласы ҳәкимлигине ҳәм басқа да жоқары турыўшы уйымларға өзиниң жумыссыз екенлигин, кем тәмийинленгенлигин билдирип, турақ жай менен тәмийинлеў бойынша бир неше мәрте мүрәжат етип келген.

Пуқара Ш.Мәжитованың жумыс пенен тәмийинлениўи мәселеси қалалық Бәнтликке көмеклесиў орайы тәрепинен үйренилип шығылып, Қарақалпақстан Республикасы Денсаўлықты сақлаў министрлигинде аймақлық тазалаўшы штатына жумысқа орналастырылған.

Турақ жай менен тәмийинлениў мәселесинде – 2019-жылда Шоманай район ҳәкимлиги тәрепинен районда ўақтыншалық турақ жай ҳәм жумыс пенен тәмийинлеў бойынша усыныс билдирилип, ўақтыншалық турақ жай менен де тәмийинленген. Бирақ, районда жасаў нийети жоқлығын ҳәм турақ жайы унамағанлығын билдирип, Нөкис қаласына қайтып келген.

Сондай-ақ, Мойнақ районында ҳаял-қызлар ушын кең көлемде жумыс орынлары жаратылып атырғанлығы, усы тийкарда сол районнан турақлы жумыс орны ҳәм турақ жай менен тәмийинлеў бойынша да усыныс билдирилген. Бирақ, пуқара Ш.Мажитова бул усынысты да қабыл етпеген.

Ш.Мажитованың «Усы күнге шекем пуқаралар жыйыны тәрепинен бир мәрте де жәрдем пулы яки басқа да көринисте жәрдемлер көрсетилмеди» деген мүрәжатына тоқталсақ, ол Нөкис қаласында турақлы жасаў орнына ийе емес. 2020-жылдың апрель айына шекем «Тунғыш қоныс» пуқаралар жыйыны аймағында, ҳәзирги күнде болса «Қызыл қум» пуқаралар жыйыны аймағында ўақтыншалық есапта турып, өзи «Шығыс» мәкан пуқаралар жыйыны аймағындағы М.Жуманазаров көшеси 27-жайда ижарада турып келмекте. Бирақ, ҳеш бир мәкан пуқаралар жыйынына жәрдем пулы сорап мүрәжат етпеген.

Ҳәзирги күнде Нөкис қаласы ҳәкимлигиниң балансында бос турған имараттың  жоқ екенлиги себепли оған ўақтынша турақ жай ажыратып бериў имканияты жоқ екенлигин мәлим етип билдиремиз.

 

Нөкис қаласы ҳәкимлигиниң Баспасөз хызмети.

 

скачать dle 10.6фильмы бесплатно



  • 21-05-2020, 18:37 |
  • 4 016