Өзбекистан Саўда-санаат палатасы баслығы Алишер Шайхов жумыстан алынды. Оның орнына жаңа баслық тайынланды

Усы жылдың 20-июнь күни Өзбекистан банклер Ассоциациясы имаратында Өзбекистан Республикасы Саўда-санаат палатасының нәўбеттен тысқары қурылтайы болып өтти. Қурылтай Өзбекистан Республикасы Бас министри А.Арипов басшылығында өткерилди.

Кун.uz басылымының хабар бериўинше, қурылтайда шөлкемлестириў мәселеси көрилген. Усы күнге шекем Саўда-санаат палатасы баслығы лаўазымында ислеп келген Шайхов Алишер Эркинович ийелеп турған лаўазымынан азат етилген. Оның орнына Өзбекистан бас министриниң алдыңғы орынбасары Адҳам Икромов тайынланған.

 

Өзбекистан Саўда-санаат палатасы баслығы Алишер Шайхов жумыстан алынды. Оның орнына жаңа баслық тайынланды

 

Икромов Өзбекистан Президентиниң шөлкемлестириў-кадр мәселелери бойынша мәмлекет мәсләҳатшиси биринши орынбасары ҳәм Президент жанындағы мәмлекет басқарыўы Академиясы ректоры сыпатында ислеп киятыр еди.

Мағлыўмат ушын, 19-июнь күни Өзбекистан Республикасы Президенти Шавкат Мирзиёевтиң «Бизнестиң нызамлы мәплери мәмлекет тәрепинен қорғалыўы ҳәм исбилерменлик жумысын еле де раўажландырыў системасын түпкиликли жетилистириўге байланыслы ис-илажлар ҳаққында»ғы пәрманы жәрияланды. Пәрман ең алды менен исбилерменлик жумысы раўажланыўы ҳәм бизнестиң нызамлы мәплери қорғалыўын, сондай-ақ, Өзбекистан Республикасы Саўда-санаат палатасы жумысын түпкиликли жетилистириўди нәзерде тутады.

 

Адҳам Икромов. Фото: Sputnik

скачать dle 10.6фильмы бесплатно



  • 20-06-2017, 15:26 |
  • 416