Makan.uz’ға Нөкис район ҳәкимлигинен рәсмий жуўап

Усы жылдың 3-май күни сайтымыздың телеграмдағы бот каналларынан пуқаралардан азық-аўқат ҳәм басқа да мәселелер бойынша мүрәжатлар қабыл етип, оларды тийислилигинше қала/район ҳәкимиятларының Телеграм ботларына жиберген едик. Мине, бүгин жазған хатымызға Нөкис районының @aqmangit_bot арқалы ҳәкимияттың рәсмий жуўабы келди. Төменде жуўап пенен таныссаңыз болады.

 

Нөкис районы ҳәкимлиги Мәлимлеме хызметиниң “Aqmańǵıt News” телеграм боты @aqmangit_bot байланыс каналына Makan.uz информациялық сайтынан Нөкис районы пуқараларының мүрәжатлары келип түсти. Бул мүрәжатлар тийисли басшы-қәнигелер тәрепинен толық үйренип шығылып, Нөкис районы ҳәкимлиги Мәлимлеме хызмети рәсмий жуўап береди.

 

Пуқара У. Т. “Арбашы” АПЖ Саманбай аўылында жасаўшы пуқара жумыс сорап мүрәжат еткенлиги бойынша: “Арбашы” аўыл пуқаралар жыйыны тәрепинен жәмийетшилик жумыста ислеўди усыныс еткенимизде, ислегиси келмейтуғынлығын , тек ғана медицина киши буўын хызметкери лаўазымында ислеўин билдирди.  Пуқара өзи жасап турған аймақтағы 35-санлы шаңарақлық поликлиникасына орналастырып бериўин сораған. Тилекке қарсы бул 35-санлы шаңарақлық поликлиникасы меңгериўшиси менен сәўбетлескенимизде ҳәзирги ўақытта бос жумыс орны жоқ екенлигин билдирди.  Пуқараға районлық бәнтликке көмеклесиў  орайының қурамынан өтип, тийисли ҳужжетлерин тапсырыў усыныс етилди.

 

Пуқара Ф. Г. “Саманбай” АПЖ пуқарасы үй жайын ремонтлаўға жәрдем сораған мүрәжаты бойынша  шаңарағына барып үйренилди. Шаңарағында 4 жан жасайтуғынлығы өзи, кийеўи ҳәм 2 перзенти мектеп жасында екенлиги анықланды.  Пуқара ҳәм кийеўи жумысқа жарамлы болып, пуқараға “Саманбай” АПЖ тәрепинен  жәмийетшилик жумысты усыныс еткенимизде бундай жумыста ислегиси келмейтуғынын билдирди ҳәм  районлық бәнтликке көмеклесиў  орайының қурамынан өтип, тийисли ҳужжетлерин усыныўы кереклиги  түсиндирилди. Сондай-ақ, ҳәзирги ўақытта аўыл пуқаралар жыйыны тәрепинен 6 айлық муддетке  материаллық жәрдем алып атырғанлы ҳәм "Сақаўат ҳәм көмек" улыўмахалықлық  ҳәрекети тәрепинен азық-аўқатлық өнимлери, исбилерменлер тәрепинен де азық-аўқат өнимлери  берилип турғанлығы анықланды.

 

Пуқара П. Л. “Бақаншақлы” АПЖ  пуқарасы үй-жай сорап мүрәжат еткенлиги бойынша: Ҳәзирги ўақытта пуқаралар жыйыны тәрепинен 6 айлық муддетке материаллық жәрдем пул алып атырғанлығы анықланды. Бул пуқараға Өзбекстан Республикасы Министрлер Кабинетиниң арзанлатылған үй-жай алыў тәртиби ҳаққындағы 2018-жыл 12-апрель күнги 285-санлы қарары бойынша 2021-жыл район аймағынан қурылатуғын үй-жайға пуқаралар жыйыны тәрепинен қурамына алынды.

 

Пуқара Қ. Г. “Бақаншақлы”  АПЖ  турғыны Материаллық жәрдем ҳәм үй алды қыйтақ жерине нәл ала алмай отырғанлығы билдирилген мүрәжаты бойынша:   “Бақаншақлы” аўыл пуқаралар жыйыны тәрепинен  берилетуғын жәрдем пулы апрель айында  тоқтағанлығы билдирилди. Ҳәзирги ўақытта  карантин себепли бул пуқараныӊ алып атырған жәрдем пулы май айынан баслап даўам етеди ҳәм үй алды қыйтақ жерине нәл алып берилди.

 

Пуқара Ж. М. “Ақмаңғыт” ППЖ Халықлар дослығы көшесиниң турғыны  2 перзенти менен анасының үйинде, газ, электр энергиясы төлемлерин төлей алмай атырғанлығы ҳәм жалғыз анаға жәрдем сораған  мүрәжаты бойынша үйренилип шығылды. Бул пуқара ҳәзирги ўақытта пуқаралар жыйыны тәрепинен 2 жасқа шекемги балалар напақасы 434000 сўм алып отырғанлығы, қәўендерлер тәрепинен азық-аўқат өнимлери ҳәм усы айда 250мың сўм нақлай пул берилгенлиги анықланды.

 

Пуқара Д. Р. “Ақмаңғыт” ППЖ аймағы турғыны тәрепинен материаллық жәрдем сорап еткен мүрәжаты бойынша  үйренилип шығылды. Пуқара Нөкис районлық медицина бирлеспесинде киши буўын медицина хызметкери  болып жумыс ислейди. “Ақмаңғыт” ППЖ тәрепинен материаллық жәрдем алыў ушын критериядан асып кететуғынлығы тусиндирилди. Бул шаңарақ қәўендерлер тәрепинен азық-аўқат ҳәм нақ пул менен тәмийинленип келинбекте.

 

Пуқара Т. В. “Тақыркөл” АПЖ турғыны аўылда көшпели дүкан бармай атырғанлығы  мүрәжаты бойынша  “Тақыркөл” АПЖ аўылларына нәўбет пенен дүканлар барып атырғанлығы, ун гезеклестирилип берилип атырғанлығы тусиндирилип, азық-аўқат ҳәм хожалық буйымлары менен аўыл турғынлары тәмийинлениў мақсетинде “Пирман уста”ЖШЖ, “Алтын Асир Өрнек” ЖШЖ тәрепинен көшпели дүканлар өткерилип  келинбекте.

 

Пуқара А. Қ. “Саманбай” АПЖ Бессаға аўылының пуқарасы тәрепинен бүйрегинен операция болғанлығын, емлеўханада ўақтында жатып емлене алмай атырғанлығын билдирип, емлеўханада жатыў ушын жәрдем сораған мүрәжаты бойынша: пуқараға медициналық көриктен өткериў ушын Районлық Медицина бирлеспесине “Саманбай” АПЖ тәрепинен қатнас хаты шығарылып, медицина бирлеспеси шыпакерлери  тез күнде сиз бенен байланысады.

 

Нөкис районы ҳәкимлиги Мәлимлеме хызмети       

https://t.me/Aqmangituz

 

Еслетип өтемиз, makan.uz сайты атынан төмендеги мәнзиллерге пуқаралардың мүрәжатлары жиберилген еди.

Нөкис қаласынан – 86; @Paytaxt_city_bot

Шымбай районынан – 11; @Shimbay_hakimligi_bot

Нөкис районынан – 9; @aqmangit_bot (жуўап келди).

Кегейли районынан – 6; @Kegeyli_press_bot 

Хожели районынан – 3; @hokimgamurojaat

Қараөзек – 1; @Qaraozekhakimligi_bot

Қоңырат – 2; @Qonirat_rayoni_hakimine_murajat

Шоманай – 1; @ShomanayPress_bot

 

Жәми 119 мүрәжат.

 

Мағлыўмат орнында, Қарақалпақстан Республикасы Министрлер Кеңесиниң Мəлимлеме хызмети телеграм тармағы арқалы тийислилигинше тɵменде кɵрсетилген мəнзиллерге ɵз мүрəжатларыңызды жоллаў мүмкинлигин жәриялаған еди.

 

Нөкис қаласы ҳәкимлиги – @Paytaxt_city_bot

Елликқала районы ҳәкимлиги – @ellikqala_hokim_bot

Әмиўдәрья районы ҳәкимлиги – @Amudarya_Press_Bot

Беруний районы ҳәкимлиги – @beruniytumanihokimligi_bot

Бозатаў районы ҳәкимлиги – @BozatawPress_bot

Қанлыкөл районы ҳәкимлиги – @kanlikul_press_bot

Қараөзек районы ҳәкимлиги – @Qaraozekhakimligi_bot

Кегейли районы ҳәкимлиги - @Kegeyli_press_bot 

Қоңырат районы ҳәкимлиги – @Qonirat_rayoni_hakimine_murajat

Нөкис районы ҳәкимлиги – @aqmangit_bot

Тақыятас районы ҳәкимлиги – @Taqiyatas_xakimlik_bot

Тахтакөпир районы ҳәкимлиги – @taxtakopir_hakimiyati_bot

Төрткүл районы ҳәкимлиги – @turtkulhokimuz_bot

Хожели районы ҳәкимлиги – @hokimgamurojaat

Шымбай районы ҳәкимлиги – @Shimbay_hakimligi_bot

Шоманай районы ҳәкимлиги – @ShomanayPress_bot

Мойнақ районы ҳəкимлиги – @muynakpress_bot

 

 

скачать dle 10.6фильмы бесплатно



  • 11-05-2020, 15:44 |
  • 1 073