РЕСПУБЛИКА АРНАЎЛЫ КОМИССИЯСЫНЫҢ МАҒЛЫЎМАТЫ

Өзбекстан Республикасына коронавирустың кирип келиўи ҳәм тарқалыўының алдын алыў бойынша ис-илажлар бағдарламасын таярлаўда Республика арнаўлы комиссиясының қарары қабылланып, төмендеги тәртиплер енгизилмекте.
Яғный, 2020-жыл 30-апрель саат 06:00ден:
✅ пуқараларға – жумыс орнына барып келиўи, медициналық буйымлар, дәри-дармақ, азық-аўқат ҳәм биринши нәўбетте керекли болған өнимлерди сатып алыў ушын саат 07:00ден 10:00ге шекем ҳәм 17:00ден 20:00ге шекем барлық түрдеги жеке ҳәм хызмет жеңил автотранспорт қураллары (жолаўшылар менен бирге), сол қатары, велосипед ҳәм мототранспортларда арнаўлы рухсатнамасыз ҳәрекетлениўине;
✅ пуқараларға – қала ҳәм районлардағы көп қабатлы үйлердиң туўрыдан-туўры алдында ҳәм ишки ҳәўли аймақларында социаллық аралықты (аралық 2 метр) сақланған ҳәм нықаплар тағып айланып жүриўине, бунда 14 жасқа шекем болған балалар ата-аналарының қасында жүриўине;
✅жоқары ҳәм илимий-изертлеў институтлары басшылары ҳәм профессор муғаллимлерге – илимий ислерин даўам еттириў мақсетинде лаборатория ҳәм кафедралар искерлигин тиклеўге рухсат берилди.
Сондай-ақ, районлар аралық (қалалар аралық), ўәлаятлар ҳәм Ташкент қаласына кирип-шығыўда аўыл хожалығы өнимлерин жетистириўши юридикалық ҳәм физикалық шахслардың барлық түрдеги жеке ҳәм хызмет жеңил автотранспорт қуралларында ҳәрекетлениўине ишки ислер органлары тәрепинен өнимлерди тезлик пенен қолайлы жөнелислер арқалы өз мәнзиллерине жетип барыўына көмеклесиў белгиленди.
❗️ Барлық ҳәрекетлер даўамында Республика арнаўлы комиссиясының орнатқан санитария-гигиена қағыйдаларына әмел етиў талап етиледи.
@koronavirusinfouz
Аўдарма: makan.uz

скачать dle 10.6фильмы бесплатно



  • 30-04-2020, 00:08 |
  • 583