Күш-қүдирети, ийманы беккем ҳәм исеними бар инсанларға арналған пост. Аўылға жәрдем бере аласыз ба?

Қарақалпаққа жан күйдирип жүрген блогер, қарапайым қарақалпақтың жигити, оны көпшилик таныйды, ол «Қарақалпақ тилине мәмлекетлик тил бийлиги берилгенине 30 жыл», «Айт сен Ажинияздың қосықларынан», «Мен бир мийўели терек» (2020 шийе терек) жойбарларын әмелге асырған Бахтияр Қадирбергенов. Ол ҳәзир пандемия ўақтында Қарақалпақстанның аймақларында жасап атырған мүтәжлерге жәрдем қолын созыў басламасын алып шықты. Оның https://t.me/bkadirbergenov телеграм каналында жәрияланған постын нәзериңизге усынамыз.

«Бул ҳаққында көп ойладым. Ҳәзирги қыйын-қыстаў заманда бул исти қылсам ақыбети не болады деп. Ақыры, ислеўге қарар еттим. Ҳәзир аўылда (Нөкисте) күнлик жейтуғын тамақ та машқалаға айланып баратыр. Аўылда ақша жыйнап қайырхомлық етиўге запрет қойылғанынан ҳәммеңиздиң хабарыңыз бар. Сонлықтан тек ғана Россия ҳәм Қазақстанда жүрген жерлеслеримизден пул жыйнап аўылға жиберип, сол пулға мүтәжлерге азық-аўқат апарып бериўди жолға қоймақшымыз. Апаратуғын көлик табылды (стикери бар), арзанлатылған продукта табылды:

Картошка 4000 сўм;

Пияз 1800 сўм;

Гүриш 3500 сўм;

Гөш 37000 сўм;

Пахта майы 9000 сўм;

Ун 2600 кг (50 кг 130 мың).

Ендиги мәселе қәрежет топлап аўылға жибериў. Өтиниш, маған исенетуғын адамлар ғана қоллап-қуўатлаўын сорап қаламан. Ертең артымнан «мошенник» деген гәп-сөзлер керек емес. Және, биз 17.04.2020-жылға шекем ислеймиз. Себеби ары қарай продукталарды көрсетилген баҳадан таба алмаймыз.

Россиядағылар ушын:

Телефон: +79994583797

Сбербанк карта: 5336690125182339

 

Қазақстандағылар ушын:

Телефон: +77074332959

Каспий Gold: 5169 4971 2874 4848», делинген постта.

 

Мен Қаллыханова Лалагүл Оразғалиевна makan.uz сайтының ийеси, жеке өзим Бахтиярға исенемен. Бизиң сайтымыздың бот каналына да көп пуқаралар азық-аўқаттан жәрдем сорап жазады. Бул мүрәжатлардың ҳәммесин биз тийисли органларға жоллап атырмыз. Ҳақыйқаттан да мүтәжлер көпшиликти қурайды. Қазақстанда ҳәм Россияда жүрген жай-жағдайы жақсы, бала-шағасының несийбесинен артық қәрежети барлар болса усындай қыйын күнлерде аўылласларыңызға жәрдем қолын созсаңыз деген болар едим. Интернеттен өзлериңиз көрип гүўасы болып атырсыз Алишер Усманов деген миллионер өз елине қаншадан-қанша жәрдем берип атыр. Егер имканыңыз болса бир шаңараққа бес күнге жеткендей азық-аўқатына жәрдем етиң. Саўабы перзентлериңизге тийген болар еди.

скачать dle 10.6фильмы бесплатно



  • 12-04-2020, 18:24 |
  • 1 268