Өзин-өзи өлтириў дәрежесине жеткергени ушын жаза күшейтилди

Өзин-өзи өлтириў дәрежесине жеткергени ушын жаза күшейтилди

 

Өзбекистан Президенти Шавкат Мирзиёев 13-июнь күни Жынаят кодексине өзгерислер киритти. Оған муўапық, өзин-өзи өлтириў дәрежесине жеткериў ҳәм оған шақырыў ушын жаза күшейтилди. Бул ҳаққында kun.uz хабар бермекте.

Өзгерислерге муўапық, өзин-өзи өлтириў дәрежесине жеткериў оған үндеў (шақырыў) ямаса қорқытыў, мийримсиз мүнәсибет ямаса шахстың намысы, қәдир-қымбатын системалы түрде кемситиў арқалы қорқытыў 3 жылдан 7 жылға шекем азатлықтан айырыў менен жазаланады.

Сондай-ақ, усы ҳәрекетлерди ер жетпеген шахсларға ямаса жүкли екени айыпкерге белгили болған ҳаялға, бир топар шахслар тәрепинен алдыннан режелестирип ямаса телекоммуникация тармақларынан, сондай-ақ Интернет тармағынан пайдаланып исленсе – жети жылдан он жылға азатлықтан айырыў менен жазаланады.

Өзин-өзи өлтириўге шақырыў, яғный көндириў, алдаў ямаса басқа жол менен өзге шахста өзин-өзи өлтириў сезимин оятыў нәтийжесинде шахс өзин-өзи өлтирген ямаса өзине қол жумсаған болса еки жылдан бес жылға шекем азатлықтан шеклеў ямаса бес жылға шекем азатлықтан айырыў менен жазаланады.

Буннан тысқары, усы ҳәрекетти ер жетпеген шахсқа ямаса жүкли екени айыпкерге белгили болған ҳаялға, бир топар шахслар тәрепинен алдыннан ойласып ямаса телекоммуникация тармақларынан, соның менен бирге Интернет жәҳан информация тармағынан пайдаланып исленсе – бес жылдан жети жылға шекем азатлықтан айырыў менен жазаланады.

Мағлыўмат сыпатында айтып өтемиз, бүгинги күни интернетте өз жанына қастыянлық етиўге мәжбүрлейтуғын ойынлар кең тарқалып атырғанын есапқа алып, Өзбекистан Республикасы Жоқары суди тәрепинен Нызамшылық палатасына «Өзбекистан Республикасы Жынаят кодексине өзгерис ҳәм қосымшалар киритиў ҳаққында»ғы нызам жойбары киритилген еди. Бул ҳаққында Өзбекистан Республикасы Олий Мажлис Нызамшылық палатасы депутаты Шерзод Тўхташев Палата сайтында жазған еди

 

Фото: «lentaregion.ru»

скачать dle 10.6фильмы бесплатно



  • 14-06-2017, 16:54 |
  • 1 059