Ҳәзир таксистлер такси паркларына күнлик төлемди төлеўге мәжбүр емес – Транспорт министрлиги

«Таксистлердиң жолаўшы тасыўы қадаған етилген. Бул болса таксистлердиң такси парклерине күнлик төлем төлеўге мәжбүр емеслигин аңлатады».

Транспорт министрлиги баспасөз хаткери Наврўз Ашурматов таксистлердиң карантин дәўириндеги искерлигине анықлық киргизди, деп хабар берди Kun.uz.

«Республика арнаўлы комиссиясының қарарына муўапық, 2020-жыл 30-март күнинен баслап жолаўшы тасыў менен шуғылланыў лицензиясына ийе болған жөнелиссиз таксилерге (өзлериниң дизимнен өткен ҳәкимшилик аймағы шеңберинде) жолаўшыларсыз, жеткерип бериў хызмети (курьер, доставка) әмелге асырыўлары мүмкин.

Бундай көшелерде ҳәрекетлениў ушын автотранспорт қуралларына арнаўлы рухсатнама талап етилмейди. Әпиўайы етип айтқанда, таксистлердиң жолаўшы тасыўына рухсат етилмейди. Бул болса шофёрлардың такси парклерине күнлик төлем төлеўге мәжбүр емеслигин аңлатады. Жеткерип бериў хызмети (курьер, доставка) менен шуғылланып атырған такси шофёрларының күнлик төлемлер мәселеси шофёр ҳәм тасыўшы шөлкем ортасындағы қатнасықлары мийнет нызамшылығына тийкарланып тәртипке салынады», - деди Транспорт министрлиги баспасөз хаткери.

Ашурматов Самарқанд ўәлаятында карантин дәўири болыўына қарамай, елеге шекем күнлик төлем талап етилип атырғаны ҳаққындағы сораўға жуўап берди.

«Министрлер Кабинетиниң 2019-жыл 30-июльдағы 636-санлы қарары менен тастыйықланған тасыў искерлигин лицензиялаў бойынша мәмлекетлик хызметлер көрсетиўдиң ҳәкимшилик регламентине муўапық, коммерциялық тийкарда жолаўшыларды қалада, қала әтирапында, қалалар аралық ҳәм халық аралық жөнелислер бойынша тасыў искерлиги юридикалық шахслар тәрепинен әмелге асырылады.

Өзбекстан автомобиль ҳәм дәрья транспорты агентлигиниң 2003-жыл 1-августтағы 108-санлы буйрығы менен тастыйықланған «Билет-есап ҳәм жол бетин толтырыў бойынша» қолланбасына муўапық, жол бетлери жөнелиссиз таксилердиң жумысын тарифлеўши тийкарғы ҳүжжет есапланады.

Жөнелиссиз такси шофёрларына жол бетлерин бериў тасыўшы шөлкемниң нәўбетши диспетчери тәрепинен әмелге асырылады. Бунда шофёрлар тәрепинен ҳеш қандай төлемлерди әмелге асырылыўы нәзерде тутылмаған. Тек ғана бүгинги күн шәраятында емес, ал, пандемия режиминен тысқары жағдайда да юридикалық шахслар тәрепинен жол бетлерин бергени ушын жөнелиссиз такси шофёрларынан күнлик төлемлерди талап етиў ҳеш қандай тийкарға ийе емес. Бул жағдай Самарқанд ўәлаяты транспорт басқармасы тәрепинен қадағалаўға алынды», - деди Транспорт министрлигиниң рәсмий ўәкили 30-март күнги брифингде.

 

Аўдарма: makan.uz

 

Биз тек текстти аўдармаладық. Бул тәртиптиң Нөкис қаласында қалай әмел етиўи ҳаққында бир нәрсе дей алмаймыз. Сонлықтан, бул мағлыўмат бойынша сораў туўылған такси шофёрларына Қарақалпақстан Республикасы Транспорт министрлигиниң телеграмдағы @krmintrans_bot мәнзилин ҳәм исеним телефонын келтиремиз: +998 61 225-70-36

скачать dle 10.6фильмы бесплатно



  • 30-03-2020, 20:57 |
  • 788