30-марттан Өзбекстанда жеке транспорттан пайдаланыўға шеклеў енгизиледи. Рухсатнама талап етилмейтуғын жағдайлар (толық)

 

30-марттан Өзбекстанда жеке транспорттан пайдаланыўға шеклеў енгизиледи. Рухсатнама талап етилмейтуғын жағдайлар (толық)

 

Өзбекстан Республикасы Президенти Шавкат Мирзиёевтиң тапсырмасына муўапық, коронавирустың кирип келиўи ҳәм тарқалыўының алдын алыў бойынша ис-илажлар бағдарламасын таярлаў бойынша республика арнаўлы комиссиясының қарары менен бир қатар шеклеўлер орнатылып, мәлим бир шаралар көрилмекте, деп хабар берди kun.uz.

Атап айтқанда, 2020-жыл 30-март саат 06:00ден 20-апрель саат 00:01ге шекем ўәлаятлар аралық, Ташкент ҳәм Нөкис қалалары ҳәм ўәлаятлар орайларында Мәмлекетлик хызметлер орайлары тәрепинен берилетуғын арнаўлы рухсатнамалар (стикер) тийкарында автотранспорт қураллары ҳәрекетлениўине рухсат бериледи.

Бул рухсатнмалар төмендеги искерликти әмелге асырыў ушын бириктирилген автотранспорт қуралларына бериледи:

- азық-аўқат өнимлери, дәри-дармақлар ҳәм медициналық буйымлар саўдасы менен шуғылланатуғын шөлкемлердиң хызмет автотранспорт қураллары, сондай-ақ, бул шөлкемлерде турақлы мийнет ететуғын хызметшилердиң жеке автотранспорт қураллары;

- Санитария ҳәм гигиена өнимлерин (коронавирус инфекциясынан қорғаўшы ҳәм дезинфекция етиўши затлар) ислеп шығарыўшы ҳәм усақлап сатыўшы, дәрихана искерлиги менен шуғылланыўшы юридикалық ҳәм физикалық шахслардың автотранспорт қураллары;

- Ташкент ўәлаятының Юқори Чирчиқ ҳәм Зангиота районларында, Ташкент қаласының Олмазор, Чилонзор ҳәм Яшнобод районларында қурылып атырған емлеўхана ҳәм дем алыў орынларын қурыўға тартылған юридикалық ҳәм жеке тәртиптеги исбилерменлерге тийисли автотранспорт қураллары.

Бунда, юридикалық ҳәм физикалық шахслардың жумысшылары орайласқан тәртиптке автобус (микроавтобус) арқалы Қарақалпақстан Республикасы Нөкис қаласы, Ташкент қаласы ҳәм ўәлаят орайларына киргизиўи белгилеп қойылмақта.

Соның менен бирге, республика арнаўлы комиссиясының қарары менен көшелерде ҳәрекетлениўи ушын төмендеги автотранспорт қуралларына арнаўлы рухсатнама талап етилмейди:

- Өзбекстан Республикасы ҳәм шет ел мәмлекетлериниң дипломатиялық хызметшилери ҳәм Өзбекстан Республикасы Сыртқы ислер министрлигиниң усынысларына муўапық мирәт етилген халық аралық шөлкемлердиң делегация ағзаларының тийисли автотранспорт қуралларына;

- халық ҳәм шөлкемлерге коммунал хызмет көрсетиўши шөлкемлерге (газ, электр энергиясы, ыссылық тәмийнаты, суўық сўў, суў ақаба ҳәм басқа шөлкемлер) тийисли автотранспорт қуралларына;

- байланыс хызметлерин көрсетиўши шөлкемлерге тийисли автотранспорт қураллары ҳәм «Ўзбекистон почтаси» АЖның почта жибериўлерине;

- коммерциялық банклерге тийисли хызмет автотранспорт қуралларына;

- медициналық ҳәм эпидемиологиялық хызметлер көрсетиўши кәрханалардың автотранспорт қуралларына;

- ҳуқық қорғаўшы органлар ҳәм арнаўлы және қутқарыў кәрханаларының автотранспорт қуралларына;

- N1, N2 ҳәм N3 тайпаға кириўши автотранспорт қуралларына ҳәм аўыл хожалығы өнимлерин алып киятырған М1 (бир жолаўшы менен) тайпадағы автотранспорт қуралларына;

- ўәлаят, қала ҳәм район ҳәкимлери ҳәм олардың орынбасарларының автотранспорт қуралларына;

- жолаўшы тасыў искерлиги менен шуғылланыўшы лицензияға ийе болған жөнелиссиз таксилерге (өзлериниң дизимнен өткен ҳәкимшилик аймағы шеңберинде) жолаўшыларсыз жеткерип бериў хызметлерине (курьер доставка);

- жеткерип бериў хызмети (кейтеринг) шөлкемлериниң автотранспорт қуралларына, сондай-ақ, жолаўшы тасыў хызметин көрсетиўши шөлкемлердиң жеткерип бериў хызметин көрсетип атырған автотранспорт қуралларына;

- пуқараларға кешиктирип болмайтуғын тез медициналық жәрдем көрсетиў (жүклилик, дене жарақаты, инсан өмирине қәўип туўдырып атырған басқа жағдайлар) менен айланыслы жағдайларда медицина мәкемесине баратырған ҳәм оннан қайтып киятырған жеке автотранспорт қуралларына;

- жерлеў мәресимлеринде хызмет көрсетиўши арнаўлы автотранспорт қуралларына;

- жол-патруль хызмети автомобиллери жәрдеминде бирге баратырған автотранспорт қураллары усылар қатарына киреди.

Арнаўлы рухсатнама талап етилетуғын автотранспорт қуралларына (тийисли тастыйықлаўшы ҳүжжетлерди қосымша еткен ҳалда) Арнаўлы рухсатнамалар бериў системасы усы жылдың 29-март саат 09:00ден әмелге енгизиледи.

Әдиллик министрлиги тәрепинен берилетуғын арнаўлы рухсатнама тийкарында ҳәрекетленетуғын автотранспорт қураллары тек ғана усы мәкеме ҳәм шөлкемлер искерлиги менен байланыслы ҳалда ҳәрекетлениўге рухсат бериледи. Жеке мәп жолында пайдаланыў қатаң қадаған етиледи.

Аўдарма: makan.uz

скачать dle 10.6фильмы бесплатно



  • 29-03-2020, 16:00 |
  • 1 820