Иранда «коронавирустан даўа» сыпатында метил спиртин қабыллағаннан кейин 300ден көп адам қайтыс болды

 

Иранда «коронавирустан даўа» сыпатында метил спиртин қабыллағаннан кейин 300ден көп адам қайтыс болды

 

Иранда коронавирустың алдын алыў ҳәм оннан даўа мақсетинде метанол қабыллаған 300ден көбирек адам қайтыс болды ҳәм мыңнан аслап адам зәҳәрленди. Бул ҳаққында Associated Press хабар агентлиги хабар берди, деп жазады kun.uz сайты.

Иранда социаллық тармақларда ислеп шығарыў спирти – метанол коронавирустың алдын алыўы ҳәм ҳәттеки оған шалынған наўқасларды емлеў ҳаққында өтирик хабарлар тарқалмақта. Атап айтқанда, бундай өтирик хабарлар Британияның Daily Mail басылымына тийкарланған ҳалда тарқатылған. Хабарда бир муғаллим ҳәм және бир неше адам коронавирустан «виски ҳәм бал» жәрдеминде тәўир болып кеткени ҳаққында мәлим еткен.

 Сол себепли, көплеген иранлылар вирусты жеңиў үмитинде қурамында метанол болған химиялық затлар – антифриз, растворитель ҳәм автомобиль жанылғысын қабыллай баслаған. Бул болса жүзлеген қурбанларға ҳәм мыңлап адамлардың саламатлығына түрли дәрежеде зыян жеткерген. Сондай-ақ, жүзлеген адамның көзи көрмей қалған. Атап өтилиўинше, алкогольға талап артқаны себепли жергиликли “самогоншылар» оғада зәҳәрли метанол сатпақта.
 «Метанолдың коронавирусқа қарсы нәтийжелилиги ҳаққындағы өтирик хабардың тарқалыўы Иран пуқараларына коронавирус жеткерип атырған зыян сыяқлы зыян жеткермекте», деп айтқан токсиколог шыпакер Эрик Ховда.
Қәниге ҳәзирги ўақытта коронавирустан дәри жоқ екенин еслетип өткен.

10 мл метанолдың (метил спирти) ишке қабылланыўы аўыр зәҳәрлениўге, 80-150 мл болса өлимге алып келеди. Зәҳәрлениў бир неше саат ишинде ҳәўиж алады.

Метанолдан зәҳәрлениўдиң ең жеңил формасы бас аўырыўы, ҳәлсизлик, кеўил айныўы ҳәм қайтарыў менен өтеди. Организмде метанол зәҳәрли бирикпе – формальдегидке шекем оксидленеди. Метил спирти ийиси ҳәм дәми бойынша тутыныўдағы этил спиртинен парқланбайды. Оннан зәҳәрлениўде антидот (зәҳәрге қарсы) сыпатында этил спирти қолланылады.

Ҳәзирги ўақытта Иран коронавирусқа шалынғанлар саны 32 мыңнан артып кетти. Оннан қайтыс болғанлар саны 3 мыңға жақынласып қалған. Иран Жақын Шығыс регионында коронавирустан ең көп азар шеккен мәмлекет болмақта.

 

Аўдарма: makan.uz
 

скачать dle 10.6фильмы бесплатно



  • 27-03-2020, 22:54 |
  • 829