Дүзетиў: «Нөкистеги карантин зонасынан қашқан қарақалпақстанлы пуқара Бухарада усланды» мақаласындағы карантин зонасынан қашқан пуқара бухаралы еди

Хабарыңыз бар, алдын сайтымыз арқалы Нөкистеги карантин зонасынан қашқан пуқара Бухарада усланғаны ҳаққында хабар берген едик. (Нөкистеги карантин зонасынан қашқан қарақалпақстанлы пуқара Бухарада усланды)

Бул мағлыўмат Zaman.uz сайтында «Қарақалпақстанлы пуқара» деп алжасып жазылғанлығын мәлим етип билдиремиз. Қарақалпақстан Республикасы Прокуратурасының рәсмий телеграм каналында 24-март күни жәрияланған мағлыўматқа қарағанда, пуқара Ш.Р қарақалпақстанлы емес, ал Бухара ўәлаятының Шофиркон районында жасайды.
Zaman.uz сайты администрациясы жиберилген қәте ушын сайт пайдаланыўшыларынан кеширим сорайды.

Ҳәзирги ўақытта пуқара Ш.Р Бухара ўәлаятының Шофиркон районындағы арнаўлы медициналық бирлеспеге орналастырылған.

 

Мағлыўмат ушын, ӨзР Денсаўлықты сақлаў министрлиги кеше Ташкент қаласындағы Вирусологиялық илимий тексериў институтының клиникасында емленип атырған наўқаслар арасында Ташкент қаласынан тысқары, Наўайы, Самарқанд, Қашқадәрья ҳәм Ташкент ўәлаятларынан болған пуқаралар бар екенлигин мәлим еткен еди.

 

zaman.uz

скачать dle 10.6фильмы бесплатно



  • 26-03-2020, 18:24 |
  • 852