1-апрельден баслап нелер өзгереди?

 

  1. Физикалық шахслар тәрепинен қайырхомлық шөлкемлеринен материаллық пайда тәризинде алынатуғын дәраматлар салыққа тартыўдан азат етиледи.
  2. Импорт қылынатуғын азық-аўқат өнимлериниң тез тәртипте, атап айтқанда рухсат бериўши ҳүжжетлерди Өзбекстан аймағына кирип келгенге шекем бериў арқалы бажыхана рәсмийлестириўши механизми енгизиледи.
  3. 14 жасқа шекем балалары болған шаңарақларға напақа, бала 2 жасқа толғанға шекем бала күтими бойынша напақа ҳәм материаллық жәрдем алыўшылар саны 10 процентке асырылады.
  4. 2020-жыл 1-апрельден 1-октябрге шекем болған дәўирде:
  • Жеке тәртиптеги исбилерменлер ушын социаллық салықтың айлық ен кем сўммасы базалық есаплаў муғдарының 50 процентине шекем кемейтириледи;
  • алкоголь өнимлериниң көтере саўдасы менен шуғылланыўшы кәрханалардың ажратпалары муғдары 5 проценттен 3 процентке пәсейтириледи;
  • улыўма аўқатланыў кәрханалары ушын алкоголь өнимлерин усақлап сатыў ҳуқықы ушын жыйымлар муғдары белгиленген муғдарларда 25 процентке кемейтириледи.
  1. 2020-жыл 1-апрельден 1-июлға шекем болған дәўирде туристик (мийманхана) жыйымын есаплаў ҳәм төлеў тоқтатылады.
  2. 1995-жыл 1-январға шекем Өзбекстан Республикасы аймағына кирип келген ҳәм турақлы пропискадан өткен, сырт ел пуқаралығын қабыл еткен ҳәмде «Өзбекстан Республикасының Пуқаралығы ҳаққында»ғы Нызам күшке киргенге шекем пуқаралығы болмаған шахсқа Өзбекстан Республикасында жасаў гүўалығы тийкарында жасап турған шахс қәлеўин билдирген жағдайда, Өзбекстан Республикасының пуқарасы деп тән алынады.
  3. Район (қала) мектепке шекемги билимлендириў бөлимлери усы аймақдағы бақшалар санынан келип шығып, I, II ҳәм III топарларға ажратылады ҳәм сол тийкарда мектепке шекемги билимлендириў системасы хызметкерлери мийнетине хақ төлеў тәртиби жетилистириледи.
  4. Ташкент қаласы ҳәм Ташкент ўәлаятында көшпес мүлкти алыўда Өзбекстан Республикасы пуқаралары ушын усы аймақларда турақлы пропискаға ийе болыў талап етилмеслигин есапқа алыўшы тартип енгизиледи. (Мағлыўмат орнында: ҳәзирги күнде Министрлер Кабинетиниң усы тәртипти нәзерде тутыўшы қарары жойбары regulation.gov.uz порталында улыўмахалықлық додалаўға қойылған).
  5. Пуқаралық ҳалаты актлерин жазыў органларының жумысын системалы қадағалаў, маман кадрлерди таңлаў ҳәм жай-жайына қойыў, ҳуқықты қоллаў әмелиятын муўапықластырыў, «ПҲАЖдың бирден-бир электрон архиви» мәлимлеме системасын жүритиў ҳәм ПҲАЖ органларының аймақлық архивлерине басшылық етиў бойынша функцияларын жүклеген ҳалда ПҲАЖ органлары Өзбекстан Республикасы Әдиллик министрлиги жанындағы Мәмлекетлик хызметлер агентлигине өткериледи.
  6. Төмендеги мәмлекетлик хызметлери Ташкент қаласында тек ғана Бирден-бир интерактив мәмлекетлик хызметлери порталы ҳәмде мәмлекет ҳәм хожалық басқарыў органлары, жергиликли мәмлекетлик ҳәкимияты органларының рәсмий веб-сайтлары арқалы көрсетиледи:
  • Қызыл китапқа киргизилмеген жабайы өсимликлер ҳәм олардың бөлеклерин алып кириў ҳәм алып шығыўға рухсатнама;
  • Қызыл китапқа киргизилмеген жабайы ҳайўанлар, олардың бөлеклери, турмыслық искерлиги өнимлери, зоология коллекциялары, трофейлер алып кириў ҳәм алып шығыўға рухсатнама;
  • Қызыл китапқа киргизилмеген жабайы ҳайўанларды сақлаў ҳәм көбейтиў бойынша питомникти сондай-ақ, зоология коллекцияларын есапқа қойыў ҳаққындағы гүўалығы;
  • Исбилерменлик субъектлери бирден-бир мәмлекетлик реестринан исбилерменлик субъектиниң өзи ҳаққында коширме;
  • Исбилерменлик субъектлери бирден-бир мәмлекетлик реестринен коширме, жасырын мәлимлеме буннан тысқары;
  • Исбилермен субъектлери бирден-бир мәмлекетлик реестринан соралып атырған мәлимлеме ҳәм (ямаса) ҳүжжет болмағанлығы ҳаққында мағлыўматнама бериў;
  • Исбилеменлик субъектлери бирден-бир мәмлекетлик реестрынан исбилерменлик субъектлери дизимин электрон формада бериў, алыў имканияты нызам ҳүжжетлери менен шекленген мағлыўматлар буннан тысқары;
  • Мәнзил-мағлыўмат мәлимлемелерин усыныў;
  • Салық төлеўши физикалық шахсларды салық органларында есапқа қойыў, СТИР бериў;
  • Жеке тәртиптеги исбилерменниң дизимнен өткерилгенлиги ҳаққындағы гүўалығын тоқтатып турыў.

 

Huqiqiy ma’limleme QR: @huqiqiymalimleme

скачать dle 10.6фильмы бесплатно



  • 26-03-2020, 16:16 |
  • 2 818