Мәмлекетлик хызметлер орайынан және бир жаңалық

Аффинаж искерлигин лицензиялаў тәртиби белгиленди. Бул хаққында Өзбекстан Республикасы Минстрлер Кабинетиниң 17.02.2020-жыл 86-санлы “Аффинаж искерлигин лицензиялаўды тәртипке салыў ис-илажлары ҳаққында”ғы қарары қабыл етилди.

Қарарға муўапық, 2020-жыл 15-марттан аффинаж искерлиги Финанс министрлиги жанындағы Мәмлекетлик түп-тийкарлық (асллик) дәрежесин белгилеў палатасы беретуғын лицензия тийкарында юридикалық шахслар (шаңарақ кәрханасынан тысқары) тәрепинен әмелге асырылады.

Аффинаж искерлиги деген не?

Аффинаж искерлиги қымбат баҳалы металларды қайта ислеў ҳәм ажыратып алыў, оларды қайтарып бермеў яки аффинаж етилген ҳалда қайтарып бериў хызметлерин өз ишине алады.

Аффинаж искерлигин әмелге асырыў ҳуқықын бериўши лицензия тек мәмлекетлик хызметлер орайлары (МХО) ямаса Бирден-бир интерактив мәмлекетлик хызметлер порталы (ББИМХП) тәрепинен бериледи.

Аффинаж искерлигин әмелге асырыў ҳуқықы ушын лицензия 10 жыл мүддетке кейинала узайтырыў имканияты менен бериледи.

Аффинаж искерлигин әмелге асырыў хуқықын бериўши лицензия тек искерлиги лицензияда көрсетилген орында ғана әмелге асырылғанда хақықый есапланады.

Аффинаж искерлигин әмелге асырыў ушын мүлк хуқықы яки басқа дәлилий хуқық тийкарында тийисли болған жасаўға мөлжелленбеген объект ҳәм имәратларда (турар жайлардан ҳәм социаллық-мәдений объектлерден кеминде 150 метрден узақлықда жайласқан), ислеп шығарыў майданлары ҳәм талапларға туўра келетуғын шәраятлары болыўы, арнаўлы үскене ҳәм басқа техник әсбаплар болыўы лицензия талабларына киреди.

Аффинаж искерлигин лицензия алыў ушын талапкер МХОларға өзи барып яки ББИМХП арқалы белгиленген формадағы лицензия бериў ҳаққындағы арзаны усынады.

Лицензиялаўшы орган усыныў усылына қарамастан арза қабыл етилген сәнеден аспайтуғын төмендеги мүддетлерде лицензия бериў яки бериўди бийкар етиў ҳаққында қарар қабыл етеди:

лицензия бериў ушын – 5 жумыс күни;

лицензияның әмел етиў мүддетин узайтыў,

оны қайта рәсмийлестириў ушын – 2 жумыс күни;

искерликти өз иқтыяры менен тоқтатыў ушын – 8 жумыс сааты.

Арзаны көрип шығыў ушын БЕМның 5 есеси (1 115 000 сум) муғдарында жыйым ҳәм сонша муғдарда мәмлекетлик бажы өндириледи (арза ББИМХП арқалы жиберилгенде жыйым ҳәм мәмлекетлик бажы белгиленген сумманың 90 проценти (1 003 500 сум) муғдарында өндириледи). Ал лицензияны қайта рәсмийлестириўде БЕМның 2 есеси жыйым өндириледи. Бирақ лицензияның әмел етиў мүддетин узайтырыў ушын арза лицензияның әмел қылыў мүддети таўсылыўынан алдын 10 күн алдын берилиўи шәрт.

 

Г. Дощанова,

Қоңырат районы Мәмлекетлик хызметлер орайы хызметкери

 

скачать dle 10.6фильмы бесплатно



  • 24-03-2020, 11:46 |
  • 1 982