Ташкент карантинге жаўылмақта. Толық мағлыўмат

24-март күнинен баслап, Ташкент қаласына ҳәр қандай транспорт қуралында кириў ҳәм шығыў тоқтатылады.

Бул ҳаққында  Республика арнаўлы комиссиясының қарары қабылланды, деп мағлыўмат берди ИИМ баспасөз хызмети баслығы Ш.Ғиёсов.  

Солай етип:

Ташкент қаласына жүк тасыў мақсетинде кириў ҳәм шығыўға шеклеў болмайды;

Ташкент қаласында турақлы дизимнен өткен пуқаралар ҳәм шет ел пуқаралары өзлериниң жеке транспорт қуралларында Ташкент қаласына кириўи мүмкин. Бирақ, Ташкент қаласынан шығыў ушын шеклеў орнатылады;

Пиядалар ушын Ташкент қаласына кириў ҳәм шығыўға тосық қойылмайды.

«Бул шеклеў шаралары бойынша арнаўлы комиссия тәрепинен мүлкшилик формасынан бийғәрез барлық шөлкемлерге исши ҳәм хызметшилерди аралықтан ислеў системасына өткериў, мийнет дем алысын бериўи ямаса хызметшиниң жумыс ўақтын қысқартылған формаға (мысалы, күнине 4 саатлық жумыс режим) өткериў яки мийнет ҳақы сақланбаған ҳалда өз есабынан дем алыс бериўи усыныс етилген», - делинген ИИМ хабарында.

 

Ҳәзирги ўақытта, басқа аймақлардан Ташкент қаласына кириў (автобус, микроавтобус, жеңил автотранспорт, авиақатнаўлар ҳәм темир жол арқалы) 24-марттан баслап тоқтатылады. Төмендеги ҳаллар буған кирмейди:

 

- Ташкент қаласында турақлы дизимнен өткен шахслар;

 

- Ташкент ўәлаятында турақлы дизимнен өткен ҳалда Ташкент қаласында мийнет (хызмет) искерлигин әмелге асырып атырған мәмлекет органлары ҳәм мәкемелери хызметшилери (мәмлекетлик емес шөлкемлерде – жумыс бериўши тәрепинен усынылған тийисли рухсатнама тийкарында);

 

- жүк тасыў менен байланыслы жағдайларда Ташкент қаласына кириў ҳәм шығыўға рухсат бериледи. Ташкент қаласына кириўши ҳәм шығыўшы шахсларда коронавирус инфекциясы белгилерин анықлаў бойынша мәжбүрий медициналық қадағалаў орнатылады.

 

Аўдарма: makan.uz

 

 

 

скачать dle 10.6фильмы бесплатно



  • 23-03-2020, 22:19 |
  • 661