Ташкентке ҳәр қандай транспорт қуралларында республиканың барлық аймақларынан кириў ҳәм Ташкенттен шығыў тоқтатылады

 

Ташкентке ҳәр қандай транспорт қуралларында республиканың барлық аймақларынан кириў ҳәм Ташкенттен шығыў тоқтатылады

Ҳүкиметтиң арнаўлы комиссиясы қарарына муўапық, Ташкент қаласына республиканың барлық аймақларынан кириў ҳәм Ташкент қаласынан республиканың барлық аймақларына шығыўды ҳәр қандай транспорт қуралларында 2020-жылдың 24-март күни саат 00:01ден баслап тоқтатыў бойынша қарар қабылланды.

«Ўзбекистон темир йўллари»  АЖ мәлимлеме хызметиниң Kun.uz’ға мәлим етиўинше, бул тәртип компанияның жолаўшы тасыў хызметине енгизилген болып, режедеги рейслер бийкарланған.

«Сатып алынған билетлер темир жол кассаларында қайтарып алынады ҳәм билет пуллары ҳеш қандай процент өндирилместен, орнатылған тәртипте ҳәм белгиленген мүддет ишинде қайтарып берилиўи кепилленеди. Электрон билетлер болса https://e-ticket.railway.uz сайтындағы «жеке кабинет» арқалы қайтарылады», - делинген компания рәсмий мағлыўматында.

Атап өтилиўинше, темир жол қатнаўлары Ташкент қаласынан басланыўы есабына басқа аймақлар арасындағы қатнаўды да әмелге асырыў имканияты жоқ.

Жолаўшы поездларының ҳәрекети жолға қойылыўы ҳаққында «Ўзбекистон темир йўллари» АЖның рәсмий сайты ҳәм социаллық тармақлардағы бетлеринде дағаза бериледи. Мағлыўмат ушын, бул тәртип компанияның темир жол арқалы жүк тасыў искерлигине тәсир етпейди.

 

Аўдарма: makan.uz

скачать dle 10.6фильмы бесплатно



  • 23-03-2020, 19:46 |
  • 322