Самарқанд ўәлаятына жаңа ҳәким тайынланды

Самарқанд ўәлаятына жаңа ҳәким тайынланды

 

12-июнь күни Президент басшылығында өткерилген видеоселектор жыйналысында Самарқанд ўәлаятының ҳәкими Оқбўтаев Ҳиммат Қўчқорович жумысында жол қойған кемшиликлери ушын ийелеп турған лаўазымынан азат етилген еди.

UZ24 басылымы өз дерегине тийкарланып берген мағлыўматына қарағанда, Самарқанд ўәлаятына Жўраев Туробжон Икромович ҳәким етип тайынланған.

Т. Жўраев 2000-2004-жыллары Өзбекистан Республикасы Финанс министриниң орынбасары, 2004-2008-жыллары Халық билимлендириў министри, 2008-2011-жыллары Сурҳандәрья ўәлаяты ҳәкими, 2011-2013-жыллары болса Қашқадәрья ўәлаяты ҳәкими лаўазымларында жумыс алып барған.

Т.Жўраев 2017-жыл апрель айынан баслап Ташкент ўәлаятының Бекобод районы ҳәкими ўазыйпасында ислеп киятыр еди.

 

Фото: toshvil.uz

скачать dle 10.6фильмы бесплатно



  • 13-06-2017, 11:36 |
  • 434