«Ақыллы газ есаплағыш»ларды орнатыў ҳәм оңлаў бийпул әмелге асырылады

Газди есапқа алыў үскенеси ҳәм оған байланыслы қәрежетлер (орнатыў, алып таслаў, тексериў, оңлаў) газ тәмийнаты шөлкемлери тәрепинен қапланады ҳәм тутыныўшылар тек ғана оның қәўипсизлиги ушын жуўапкер болады. Бул ҳаққында «Ҳудудгазтаъминот» АЖ баспасөз хызмети  хабар берди.

«Ендигиден былай тутыныўшы газ есаплағышты стандартластырыўдан өткериў ушын билидириў күтиўи, мәмлекет хызметлери орайларына ямаса бирден-бир мәмлекетлик хызметлер порталына арза тапсырыўы шәрт емес», - делинеди хабарда.

«Ақыллы есаплағыш»лар 10 жылда бир мәрте тексериўден өткериледи. Егер үскенеде насазлық анықланса, газ тәмийнаты шөлкеми бул жағдайды еркин түрде анықлайды ҳәм тийисли шараны көреди.

«Жақын келешекте тутыныўшылар түрли шөлкемлерге қатнаў ҳәм есаплағышты стандартластырыўдан өткериў қәрежетлери ҳаққында қәўетерленбесе де болады. Тутыныўшылардан жаңа есаплағышларды абайлап пайдаланыў талап етиледи», - делинеди хабарда.

Дерек: daryo.uz

 

Аўдарма: makan.uz

 

скачать dle 10.6фильмы бесплатно



  • 11-03-2020, 16:02 |
  • 2 112