Исбилерменге жер орын ажыратылыўында жәрдем көрсетилди

Өзбекстан Республикасы Президентиниң Исбилерменлик субъектлериниң ҳуқықлары ҳәм нызамлы мәплерин қорғаў бойынша Ўәкил аппаратының Қарақалпақстан Республикасында ис алып барыўшы инспекторларына 2019-жыл май айында Нөкис қаласы турғыны Е.Реймов шағым етти. Пуқара исбилерменлик пенен шуғылланыў мақсетинде қала аймағынан Өзбекстан Республикасы Президентиниң 2018-жыл 27-июньдағы ПФ-5466-санлы Пәрманына тийкар «Халыққа хызмет көрсетиў орайы» имәраты қурылысы ушын Нөкис қаласы ҳәкимиятынан 360м2 жер майданын сорап мүрәжат еткенин билдирди.

Бирақ, жер участкасы 2020-жылдын февраль айына шекем түрли себеплерге көре ажыратып берилмей келинген.

Өзбекстан Республикасы Президентиниң Исбилерменлик субъектлериниң ҳуқықлары ҳәм нызамлы мәплерин қорғаў бойынша Ўәкил аппаратының Қарақалпақстан Республикасындағы ис алып барыўшы инспекторлары араласыўы менен пуқара Е.Реймовқа «Халыққа хызмет көрсетиў орайы» имәраты қурылысы ушын Нөкис қаласы ҳәкими шешими қабыл етилиўине ҳәм усы шешим тийкарында 360м2 жер майданы ажыратып берилиўине ерисилди.

 

Бахадыр Даўлетияров

Өзбекстан Республикасы Президенти жанындағы

Исбилерменлик субъектлериниң ҳуқықларын

ҳәм нызамлы мәплерин қорғаў бойынша

Ўәкил аппараты бас инспекторы

скачать dle 10.6фильмы бесплатно



  • 6-03-2020, 14:18 |
  • 1 506