1-марттан нелер өзгереди?

1. Инкассация хызметлери ушын ҳақы буйыртпашы тәрепинен төленеди

Хожалық жүргизиўши субъектлердиң нақ пулларын банклерге инкассация хызметлери арқалы жеткерип берилиўи бойынша хызмет ҳақы шәртнама тийкарында буйыртпашы, яғный инкассация хызметлери көрсетилиўиниң басламашысы (хожалық жүргизиўши субъект ямаса банк) тәрепинен төленеди.

 

  1. Қурылыстың жойбар ҳүжжетлерине өсимликлерди унамсыз тәсирден қорғаўға байланыслы мәжбүрий талап киргизиледи

Қурылыс, реконструкция қылыў, капитал оңлаў, қурылыс объектлерин абаданластырыў, бузыў, қурылыс объектлеринен пайдаланыўға қабыл етиў ўақтында жойбарлаў ҳүжжетлерине төмендеги мәжбүрий талаплар киргизиледи:

өсимлик дүньясы объектлерине, олардың өсиў орталығына унамсыз тәсирдиң алдын алыў, сондай-ақ оларды бундай тәсирден қорғаўды тәмийинлейтуғын илажлар;

нызам ҳүжжетлерине муўапық компенсация шаралары;

көклемзарластырыў жумысларын жойбарластырыў қағыйдаларына ҳәмде усы тараўдағы нормаларға муўапық әмелге асырыў.

 

  1. Қурылыс тараўындағы айырым хызметкерлердиң ис ҳақысы асады

Бюджет системасындағы бюджет қаржылары есабына финансластырылатуғын объектлерден тысқары капитал оңлаў объектлеринде мәмлекетлик қурылыс қадағалаўын әмелге асырыў бойынша талаплар бийкар етиледи.

Сондай-ақ, Қурылыс тараўында қадағалаў инспекциясы хызметкерлери мийнетине ҳақы төлеў муғдарлары 1,4 есеге асырылады.

 

  1. Лимонзарларды жаратыўдың жаңа тәртиби енгизиледи

Оған көре, Бағшылық ҳәм теплица хожалықларын раўажландырыў агентлиги, ҳәкимликлер, қайта ислеў кәрханалары ҳәм экспорт қылыўшы шөлкемлер қатнасында шөлкемлестирилетуғын

кооперациялар (кластерлер) ҳәм өним жетистириўшилер ушын өз алдына ўазыйпалар белгиленди.

Атап айтқанда, Бағшылық ҳәм теплица хожалықларын раўажландырыў агентлиги жаңадан жаратылатуғын лимонзарлар ушын стандартларды белгилейди, лимоншылық тармағын раўажландырыўда алдынғы шет ел тәжрийбе ҳәм ресурс тежеўши инновацион технологиялар енгизиўди шөлкемлестиреди.

Сондай-ақ, кооперацияларға бирлескен лимон жетистириўши фермер ҳәм дийқан хожалықлары, аўыл хожалығы кәрханалары ҳәм исбилерменлик субъектлерине:

- жаңа лимонзарларды жаратыў ҳәм нәллерди сатып алыў менен байланыслы болған қәрежетлердиң ҳәр бир гектары ушын 30 млн сумнан аспайтуғын муғдары Бағшылық ҳәм теплица хожалықларын раўажландырыў қоры есабынан;

- лимон мийўелериниң экспорты менен байланыслы транспорт қәрежетлериниң 25 процентине шекем болған муғдары Экспортты раўажландырыў агентлиги тәрепинен субсидия сыпатында қаплап бериледи.

 

  1. Республика аймақларында исбилерменликтиң раўажланыў дәрежесине баҳа бериў системасы енгизиледи

Баҳалаў ярым жыллық ҳәм жыл жуўмағы бойынша өткериледи.

Баҳалаў Экономика ҳәм санаат министрлиги ҳәмде Өзбекстан Республикасы Әдиллик министрлигинде әмелге асырылады.

 

  1. Айырым үскенелерди Өзбекстан аймағына алып кирилиўи қадаған етиледи

Алдын пайдаланылған, бажыхана рәсмийлестириўи ўақтында ислеп шығарылғаны 3 жылдан асқан индукцион печлер ҳәм камералардың (ТИФ ТН коды 8514 20 1000) Өзбекстан аймағына алып кирилиўи қадаған етиледи.

 

  1. Жер ажыратыў ҳаққындағы ҳүжжетлер ҳәкимликлердиң рәсмий веб-сайтларында жәрияланып барылады

Халық пунктлериниң архитектуралық келбетин түп-тийкарынан жаңалаў ҳәм абаданластырыў, сондай-ақ, оларда комплекс қурылыс ҳәм реконструкция қылыў жумысларын әмелге асырыўға байланыслы қарарлар дәслеп усы аймақтағы халық ортасында додаланып, жәмийетшилик экспертизасынан өткериледи.

Сондай-ақ, физикалық ҳәм юридикалық шахсларға жер ажыратыў ҳаққындағы ҳүжжетлер қабыл етилгенинен (рәсмийлестирилгенинен) кейин бир күн мүддетте тийисли ҳәкимликлердиң рәсмий веб-сайтларында жәриялап барылады.

 

  1. Айырым жағдайларда кадастр паспортының жаңа үлгиси енгизиледи

Андижон, Наманган, Ферғана ўәлаятлары, сондай-ақ, Ташкент қаласында – 2020-жыл 1-марттан баслап пластик формада таярланатуғын көшпес мүлк объекти кадастр паспортының жаңа үлгиси енгизиледи.

 

  1. Ипотеканың жаңа тәртиби бойынша субсидияға арзалар МХО арқалы бериледи

Базар принциплерине тийкарланған ипотека кредитлери арқалы халықты үй-жай менен тәмийинлеўдиң жаңа тәртиби шеңбериндеги субсидиялар алыў ушын арзалар МХОлары ямаса Бирден бир интерактив мәмлекетлик хызметлер порталы арқалы бериледи.

 

  1. Мәмлекетлик емес медицина мәкемелеринде лицензия талаплары ҳәм шәртлерине әмел етилиўи үстинен 2,5 жылда көби менен бир мәрте даўамлылығы 5 күннен аспаған тексериў өткерилетуғын болады.

 

  1. Қадағалаў астындағыларға социаллық-ҳуқықый ҳәм психологиялық жәрдем көрсетиў бойынша министрлик ҳәм кеңселер ортасында өзара байланыс жолға қойылады.

 

  1. «Туризм тараўында искерлик жүргизип атырған өнерментлер реестри» онлайн тәризде реал ўақыт режиминде жаңаланыўшы ашық ҳәм улыўма пайдаланылатуғын веб-сайт көринисинде иске түсириледи.

 

  1. Мәмлекетлик улыўма орта билимлендириў мәкемелерин жаңадан қурыў, реконструкция қылыў, капитал оңлаў ҳәм үскенелеў, финансластырыў дереклеринен бийғәрез, «Заманагөй мектеп»лерди қурыў ҳәм реконструкция қылыўдың үлги жойбарлары ҳәм үскенелеў нормалары тийкарында әмелге асырылады.
  2. Жәмийетлик мақсетлерге мөлшерленген ҳәм кеше-күндиз ислейтуғын, санитария ҳәм қаласазлық нормалары ҳәм қағыйдалары талабларына жуўап беретуғын санитария-гигиена шақапшалары менен үскенеленбеген АГТКС, АГҚС ҳәм АЖҚСлардың искерлик көрсетиўине жол қойылмайды.

 

  1. «Аўыл хожалығына мөлшерленбеген жер участкаларын меншиклестириў ҳаққында»ғы Өзбекстан Республикасының Нызамы күшке киреди.

 

  1. Республика бойынша – тийисли түрде тракторшы-машинист гүўалығын рәсмийлестириўде  – тракторшы-машинист гүўалығының, техникаларды дизимнен өткериўде (қайта дизимнен өткериўде) – техник паспорт ҳәм техник гүўалықтың жаңа үлгилери бериледи.

 

Дерек: @huqiqiymalimleme

 

скачать dle 10.6фильмы бесплатно



  • 24-02-2020, 16:46 |
  • 3 323