Рәсмий жуўап: Саяхатшылар көшесиндеги кемшилик сапластырылып балалар майданшасы қурылады

 

Рәсмий жуўап: Саяхатшылар көшесиндеги кемшилик сапластырылып балалар майданшасы қурылады

 

Нөкис қаласы Саяхатшылар көшесинде буннан бирнешше жыллар алдын қурып питкерилип пайдаланыўға тапсырылған №10 көп қабатлы турақ жайдың  арқа тәрепинде балалар майданшасы жоқ екенлиги ҳәм артқы тәрепиндеги үйлердиң малқоралары бар екенлиги ҳәм жағымсыз ийислер пухараларға жаман тәсир етип атырғанлығынан наразы болып "KRuz.uz" социаллық тармағының ботына келип түскен мүрәжат бойынша Қарақалпақстан Республикасы Қурылыс министрлиги қәнигеси М.Улпетов, Қарақалпақстан Республикасы Қурылыс тараўында қадағалаў инспекциясы М.Тилеўниязов, Нөкис қаласы қурылыс бөлими қәнигеси Р.Қутыбаев, қурылысшы кәрхана «Каракалпакстигал» ЖШЖ Э.Исмаилов ҳәм «Архторус» ЖДУ жойбарлаў кәрханасы қәнигеси Б.Нурлыбаевлар қатнасында биргеликте орнында үйренилип шығылды.

Үйрениў нәтийжесинде төмендегилер мәлим болды:
Нөкис қаласы Саяхатшылар көшесинде жайласқан жаңадан қурылып питкерилип пайдаланыўға тапсырылған №10-көп қабатлы турақ жай қурылысы ушын балалар майданшасы қурылмағанлығы анықланды.

Усы мүрәжат бойынша қурылысшы кәрхана «Каракалпакстигал» ЖШЖ кәрханасына балалар ушын майданша қурып бериў тапсырмасы берилди.
«Каракалпакстигал» ЖШЖ баслығы Э.Исмаилов кемшиликлерди сапластырып балалар ушын майданша қурылысын тез күнлерде баслап 2020-жылдың 1-апрель күнине шекем қурып питкериўге ҳаққында кепиллик хаты алынды.

 

Қарақалпақстан Республикасы Қурылыс министрлигиниң мәлимлеме хызмети

скачать dle 10.6фильмы бесплатно



  • 22-02-2020, 17:04 |
  • 530