Қарақалпақстан Республикасы Мәҳәлле ҳәм шаңарақты қоллап-қуўатлаў министри ҳәм оның орынбасарлары тайынланды

Өзбекстан Республикасы Президентиниң қарары тийкарында Қарақалпақстан Республикасы Мәҳәлле ҳәм шаңарақты қоллап-қуўатлаў министрлиги шөлкемлестирилди.

Бүгин Қарақалпақстан Республикасы Жоқарғы Кеңесинде мәжилис өткерилип, усы министрликке тайынлаўлар әмелге асырылды.

Турманов Сағындық Турганбаевич Қарақалпақстан Республикасы Мәҳәлле ҳәм шаңарақты қоллап-қуўатлаў министри етип тайынланди.

Қарақалпақстан Республикасы Мәҳәлле ҳәм шаңарақты қоллап-қуўатлаў министри ҳәм оның орынбасарлары тайынланды

 

Ол бир ўақыттың өзинде Қарақалпақстан Республикасы Министрлер Кеңеси Баслығының орынбасары лаўазымында жумыс алып барады.

С.Турманов усы күнге шекем Қарақалпақстан Республикасы Жоқарғы Кеңесиниң Нызамлылық, суд-ҳуқық ҳәм коррупцияға қарсы гүресиў мәселелери комитети баслығы, Исбилерменлер ҳәрекети – Өзбекстан Либерал-демократиялық партиясы Қарақалпақстан Республикалық Кеңеси баслығы лаўазымларында ислеген.

Соның менен бирге, Қарақалпақстан Республикасы Мәҳәлле ҳәм шаңарақты қоллап-қуўатлаў министриниң биринши орынбасары лаўазымына Марям Аҳмедова, орынбасарлары лаўазымына Шарап Уснатдинов ҳәм Өмирбай Турдыбаевлар тайынланды.

 

 

Қарақалпақстан Республикасы Жоқарғы Кеңеси Баспасөз хызмети

 

 

скачать dle 10.6фильмы бесплатно



  • 20-02-2020, 12:19 |
  • 4 894