“Бизнес-омбудсман”ның Қарақалпақстан Республикасындағы инспекторлары тәрепинен орынланған жумыслар

 

 

2017-жыл исбилерменлердиң ҳуқық ҳәм мәплерин қорғаўға қаратылған Өзбекстан Республикасы Президенти жанындағы Исбилерменлик субъектлариниң ҳуқықлары ҳәм нызамлы мәплерин қорғаў бойынша ўәкил, яғный “Бизнес-омбудсман” хызмети жолға қойылған еди.

Бир мысалды келтиретуғын болсақ, “Бизнес-омбудсман”ның Қарақалпақстан Республикасында ис алып барыўшы испекторлары тәрепинен “TUNGISH IMARAT SERVIS” жуўапкершилиги шекленген жәмийети ўәкили Д.Қудайназаровтың мүрәжаты үйренилип, нәтийжеде Нөкис қаласы ҳакимияты арасында дүзилген 06.04.2018-жылдағы 2-санлы шәртнама тийкарында исленген қурылыс жумыслары ушын шәртнама бойынша төлеп берилмеген жәми 54.487.190 сўм пул қаржылары Экономикалық судқа даўа арза киритилиўи жолы менен өндирилиўине ерисилди.

Сонын менен бирге, 2020-жыл басынан исбилерменлик субъектлеринен келип түскен мүрәжатларды үйрениў нәтийжесинде салық органлары тәрепинен исбилерменлерге қәте есапланған салықлардың есабынан 1.827.951.153 сўм исбилерменлерге қайтарылды. Қадағалаўшы органларының 5 хызметкери нызамсыз тексериўлерди өткергени ушын ҳәкимшилик жуўапкершиликке тартылды. 

Егерде Сизин исбилерменлик искерлигиңизге қадағалаўшы, ҳуқық қорғаў яки басқа мәмлекетлик органлар тосқынлық етип атырған болса “Бизнес-омбудсман”ның Қарақалпақстан Республикасында ис алып барыўшы испекторларына мүрәжат етиўиңизди шақырып қаламыз.

Буннан тысқары “Бизнес-омбудсман” тәрепинен Исбилерменлик субъектлериниң ҳуқықый кепилликлерин беккемлеў, оларды раўажландырыўын хошаметлеўге қаратылған нызам хүжжетлерин жетилистириў бойынша усыныслар ислеп шығылады.

Сол себепли, нызамшылықты жетилистириўге қаратылған ҳәм әмелдеги нызамшылықта бир-бирине қайшы келетуғын нормалар бойынша усынысларыңыз болса төмендеги электрон почта мәнзилине жолласаңыз болады.

 

Мәнзилимиз: Нөкис қаласы Татибаев көшеси 9-жай.

(Финанс министрлиги имәраты 1-қабат).

Электрон почта: bo-rk-2020@mail.ru

Телефон: 61 222-10-71, 222-10-43.

 

Б.С.Даулетияров

Өзбекстан Республикасы Президенти жанындағы исбилерменлик

субъектлериниң ҳуқықлары ҳәм нызамлы мәплерин қорғаў бойынша

Ўәкил аппараты Қарақалпақстан Республикасында ис алып барыўшы

бас испектор

скачать dle 10.6фильмы бесплатно



  • 18-02-2020, 22:12 |
  • 1 313