М.Нурмухаммедов көшеси бойынша Қоңырат районы ҳәкимлигиниң рәсмий жуўабы

Kar24.uz телеграм каналында 15-февраль күни Қоңырат районы “Бостан” мәкан пуқаралар жыйыны аймағындағы М.Нурмухаммедов көшеси бойынша видеоматериал жәрияланған еди. Бул бойынша, тийисли тараў қәнигелери менен биргеликте үйренип шыққанымызда район бас архитекторы Г.Ибраимов төмендегилерди мәлим етти:

Қоңырат районы “Бас жоба”сы тийкарында видеоматериалда көрсетилген “Бостан” мәкан пуқаралар жыйынында М.Нурмухаммедов (ески аты Локоматив) көшесинде бул орында көше, тар көше яки өткел болыўы режелестирилмеген  болып, бул, аймақта  жасаўшы пуқаралардың өзбасымшалық пенен қурып алған  өткели болып  есапланады. “Бас жоба” тийкарында усы өткел жайласқан орыннан 200м қубла тәрепте Өзбекстан көшесинен темир жол тәрепке шығатуғын көше режелестирилген. Бул жол бүгинги күнде  асфалт қаплама менен қапланған болып, автомашиналар ҳәм пиядалар өтиўи ушын қолайлықлар жаратылғанлығын мәлим етемиз ҳәмде  усы аймақта жасаўшы  пуқараларға  усы жолдан пайдаланыўын усыныс етемиз.

 

Қоңырат районы ҳәкимлиги Мәлимлеме хызмети

 

скачать dle 10.6фильмы бесплатно



  • 18-02-2020, 12:26 |
  • 896