Бас Министр Қабыллаўханалары исбилерменлердиң сүйениши

Ҳүрметли Президентимиз айтқанындай исбилермен бай болса мәмлекет бай болады. Соған тийкар елимизде исбилерменлерди қоллап-қуўатлаўға үлкен итибар берилмекте. Тийкарынан Хожели районындағы Ѳзбекстан Республикасы Бас Министриниң Қабыллаўханасы жуўмақланған жылда исбилерменлерди қоллап-қуўатлаў барысында бир-қанша жумысларды әмелге асырды. Қабыллаўханамыз исбилерменлердиң жақын кѳмекшиси ҳәмде мәсләҳатшысы болып келмекте. 2019-жыл    даўамында Қабыллаўханамызға ѳзлериниң нызамлы мәплерин қорғаўды сорап мүрәжат қылған 120 дан зият исбилерменлеримиздиң мүрәжатлери қысқа мүддет ишинде кѳрип шығылып ѳзиниң унамлы шешимлерин тапты.

Мысал қылып айтатуғын болсақ Хожели районы аймағында жумыс алып барыўшы «SHERZODBEK XOJELI» фермер хожалығы баслығы Бабажанов Шавкат Аламинович райондағы мектепке шекемги билимлендириў бѳлими менен фермер хожалығының атынан дүзилген шәртнамаға тийкар райондағы балалар бақшаларына шийки гѳш жеткерип бериў менен шуғылланатуғынлығын ҳәмде усы жеткерип берилген гѳш ѳнимлери ушын тѳлениўи тийис болған 125 миллион сўм муғдарындағы қаржысын райондағы мектепке шекемги билимлендириў бѳлиминен ѳндириўде әмелий жәрдем сорап мүрәжат қылды. Фермер хожалығы баслығы Бабажанов Шавкаттың мүрәжаты қабыллаўханамыз тәрепинен толық үйренилип районлық мектепке шекемги билимлендириў бѳлими  тәрепинен Бабажанов Шавкатқа тѳлениўи тийис болған 125 миллион сўм пуллары қысқа мүддет ишинде толық тѳлеп берилиўи тәмийинленди.

Нѳкис қаласы турғыны Палўаниязова Гулбаҳар Мадреймовна ѳзине тийисли болған шайхана имараты Мәжбүрий орынлаў бюросы тәрепинен қарыздарлық ушын газ тармағынан ажыратылғанлығын ҳәмде бул қарыз алдын шайханада ижарада отырған басқа шахсқа тийисли болғанлығы себепли бир жылдан берли газ тармағына қайта жалғана алмай атырғанлығын билдирип қабыллаўханамызға мүрәжат етти. Исбилерменниң мүрәжаты Қарақалпақстан Республикасы Мәжбүрий орынлаў бюросы менен биргеликте үйренилип қысқа мүддет ишинде газ тармағына қайта жалғап берилди. Пуқара Палўаниязова Гулбаҳар Мадреймовна ҳәзирги күнде шайханасын иске түсирип халқымызға ѳз хызметлерин усынып келмекте.

 

Хожели районындағы Ѳзбекстан Республикасы Бас Министриниң Исбилерменлер мүрәжатларын кѳрип шығыў қабыллаўханасы.

скачать dle 10.6фильмы бесплатно



  • 24-01-2020, 16:40 |
  • 869