Кино концерт залының иши неге суўық ҳәм неге пандус жоқ? – Рәсмий жуўап

 

Кино концерт залының иши неге суўық ҳәм неге пандус жоқ? – Рәсмий жуўап

 

17-январь күни Нөкис қаласындағы Кино концерт залында болып өткен Юморбектиң «Күлминация» концертинде зал иши суўық болғаны Makan.uz’да сынға алынған еди.

Кино концерт залының суўықлығы ҳәмде нәгиранлығы бар пукаралар ушын ишке кириўге жәрдемлесетуғын пандус жоқлығы бойынша билдирилген мүрәжат Өзбекстан Республикасы Президентиниң Нөкис қаласындағы Халық қабыллаўханасы тәрепинен үйренилип шығылды. «Айқулаш» Қарақалпақ мәмлекетлик миллий фольклор ансамбль директоры А.Алланиязовтың берген рәсмий жуўабын нәзериңизге усынамыз.

 

«Өзбекстан Республикасы Президентиниӊ 2018-жыл 3-февральдағы «2018-жыл Инвестиция ҳәм инфраструктралық жойбарлар системасын тастыйықлаў ҳаққында»ғы ПҚ-3507-санлы ҳәм Қарақалпақстан Республикасы Министрлер Кеӊесиниӊ 2018-жыл 7-февральдағы 84-санлы қарарлары тийкарында «Арал бойы аймақларын раўажландырыў фонды» есабынан қурылысшы «ИНВЕСТ СТРОЙ» жуўапкершилиги шекленген жәмийети тәрепинен Бердақ кино-концерт залы имаратында реконструкция жумыслары алып барылып, 2019-жыл 10-октябрь күни «Айқулаш» қарақалпақ мәмлекетлик миллий фольклор ансамблине  пайдаланыўға тапсырылды. Тилекке қарсы, усы күнге шекем қурылыс оӊлаў жумысларыныӊ толық исленбегенлиги себепли ҳүжжетлестирилип қабыл етилген жоқ. Атап айтқанда, нәгиранлығы бар пукаралар ушын пандус орнатылмаған, көшени жақтыландырыў үскенелери толық орнатылмаған ҳәм автоматқа жалғанбаған, имарат ушын тоқ бөлип бериў ушын трансформатор орнатылмаған. Концерт ўақтында имарат иши суўық болыў себеби болса газге орнатылған газ есаплағыштан қарыздарлығы болғанлығы ушын усы жылдыӊ 9-январь күни газ есаплағышты Ташкент қаласына ремонтлаў ушын  алып кетилген, сол себепли концерт ўақтында имарат иши салқын болған. Жоқарыда атап өтилген қәте кемшиликлер усы жылдыӊ март айына шекем толығы менен сапластырылады».

скачать dle 10.6фильмы бесплатно



  • 22-01-2020, 15:41 |
  • 2 006