Айдаўшылық гүўалығын жаңасына алмастырыў тәртиби

Айдаўшылық гүўалығын жаңасына алмастырыў шәртпе?

 

Аўа шәрт. 2020-жыл 31-декабрьге шекем ески үлгидеги барлық миллий айдаўшылық гүўалықлары жаңа үлгидеги миллий айдаўшылық гүўалығына алмастырылыўы керек.

 

Ески гүўалықта әмел етиў мүддети көрсетилмеген ямаса мүддети еле тамамланбаған болса-не?

 

Ески үлгидеги гүўалық берилген сәнесинен ҳәм әмел етиў мүддетине қарамастан, көрсетилген мүддетке шекем жаңасына алмастырылыўы шәрт.

 

Қандай ҳүжжетлер талап етиледи?

 

Пуқаралық паспорты, ески үлгидеги айдаўшылық гүўалығы ҳәмде оның талоны.

 

Қай жерде алмастырыў керек?

 

Мәмлекетлик хызметлери орайлары ямаса орайда бундай хызмет болмаған аймақларда Жол Ҳәрекети Қәўипсизлик Басқармасының (ЖҲҚБ) тийисли бөлимлеринде.

 

Қанша төлем төленеди?

 

Ески гүўалықты жаңасына алмастырыў ушын базалық есаплаў муғдарының 70 проценти (ҳәзир 156 100 сум) муғдарында төлем өндириледи.

 

Қанша мүддетке бериледи?

 

Жаңа көринистеги айдаўшылық гүўалығы 10 жыл мүддетке бериледи.

 

Ески үлгидеги гүўалықлары қашанға шекем ҳақыйқый есапланады?

 

Ески үлгидеги айдаўшылық гүўалығы 2021-жыл 1-январьға шекем ҳақыйқый есапланады.

 

Айдаўшылық гүўалығы белгиленген мүддетте алмастырылмаса,не болады?

 

Ески гүўалық пенен автотранспорт қуралын басқарған шахсларға қарата ҳәкимшилик жуўапкершилик шарасы қолланылады.

 

Жаңа гүўалық шахсын тастыйықлаўшы ҳүжжет есанланама?

 

Аўа. Жаңа үлгидеги гүўалыққа ийесиниң шахсын тастыйықлаўшы рәсмий мәмлекетлик ҳүжжети атағы берилген.

 

Дерек: @huqiqiymalimleme

скачать dle 10.6фильмы бесплатно



  • 17-01-2020, 10:00 |
  • 2 066